الماتى قالاسىنىڭ ەكٸمدٸگٸ ازىق-تٷلٸك باعاسىن تۇراقتاندىرۋ ٷشٸن 22 ملرد تەڭگەگە فورۆاردتىق كەلٸسٸمشارت جاساستى, دەپ حابارلايدى قازاقپارات.
«بىلتىر بٸز اينالىمدىق سحەمانى ٸسكە قوسقان بولاتىنبىز. ول بويىنشا ٸرٸ ساۋدا ورتالىقتارى مەن ٶندٸرۋشٸلەرگە جەڭٸلدەتٸلگەن نەسيە بٶلەمٸز. وسى نەسيەنٸ الا وتىرىپ ولار ەلەۋمەتتٸك ماڭىزى بار ازىق-تٷلٸك باعاسىن كٶتەرمەۋگە مٸندەتتەمە الادى. وسىلايشا باعانىڭ كٷرت ٶسۋٸن بولدىرمايمىز», - دەدٸ ورتالىق كوممۋنيكاتسييالار قىزمەتٸندە ٶتكەن بريفينگٸدە قالا ەكٸمٸ باقىتجان ساعىنتاەۆ.
ەكٸم سٶرەلەردەگٸ كارتوپ پەن سەبٸز باعاسىن رەتتەۋ ٷشٸن وڭتٷستٸك ٶڭٸرلەرمەن تىعىز جۇمىس جاسالىپ جاتقانىن اتادى.
«يە, ماۋسىم ارالىعىندا كارتوپ, سەبٸز, قىرىققابات سيياقتى ٶنٸمدەردٸڭ باعاسى قىمباتتاپ كەتتٸ. قازٸر بٸز تٷركٸستان وبلىسىمەن بارلىق ازىق-تٷلٸك تٷرٸن جەتكٸزۋ بويىنشا كەلٸسٸم جاسادىق. قانت بويىنشا بىلتىردان بەرٸ الماتى وبلىسىنداعى اقسۋ زاۋىتىمەن جۇمىس ٸستەپ كەلەمٸز. كەلٸسٸمشارتتا كٶرسەتٸلگەن باعا قازٸر بٸزگە ٶزگە جەتكٸزۋشٸلەر ۇسىنىپ جاتقان باعادان تٶمەن ەكەنٸن ايتۋ كەرەك. وسى شارالاردىڭ بەرٸ قازٸر بٸزگە قاجەتتٸ ازىق-تٷلٸك باعاسىن قىمباتتاتپاي ۇستاۋعا مٷمكٸندٸك بەرٸپ وتىر. سونداي-اق, قازٸر تەجٸكستانمەن تٸكەلەي جۇمىس ٸستەپ جاتىرمىز. قالالىق بيزنەس تٷرلٸ ٶنٸمدەر جەتكٸزۋ بويىنشا تٸكەلەي بايلانىس ورناتىپ, دەلەگاتسييالار الماستى. تەجٸكستاننان العاشقى كٶلەم كەلٸپ جاتىر», - دەدٸ باقىتجان ساعىنتاەۆ.
قالا ەكٸمٸ بۇل ٸستە ٸرگەدەگٸ الماتى وبلىسىنىڭ ەلەۋەتٸ تولىق پايدالانىلماي جاتقانىنا توقتالدى.
«الماتى وبلىسىنىڭ ەكٸمٸمەن كەزدەسكەن كەزدە دە ايتقانمىن, بٸز جىلىنا 1 ملن توننا ازىق-تٷلٸك تۇتىنامىز. الماتى وبلىسى وسى كٶلەممەن بٸزدٸ قامتۋعا تولىقتاي جۇمىس ٸستەي الادى. قازٸر ٸشٸنارا 1 ملن توننا دەگەن – ٶتە ٷلكەن نارىق. اتالمىش ٶلكەدەگٸ وسى اقىلى شارۋالارعا دا قولداۋ كٶرسەتكەن بولار ەدٸك. قازٸر ٸشٸنارا تٷركٸستان جەنە الماتى وبلىستارىمەن جۇمىس ٸستەپ جاتىرمىز. كارتوپتى قازٸر پاۆلودار وبلىسىنان الىپ وتىرمىز. ەكٸنشٸ ارالىق ماۋسىمعا دايىندىق بارىسىندا 22 ملرد تەڭگەگە فورۆاردتىق كەلٸسٸمشارت جاساپ قويدىق. بۇل ماقساتقا بيۋدجەتتەن جەتكٸلٸكتٸ قاراجات بٶلٸنٸپ وتىر», - دەدٸ ەكٸم.
ونىڭ سٶزٸنە قاراعاندا, قالانىڭ بارلىق بازارلارىندا ەلەۋمەتتٸك ازىق-تٷلٸك دٷڭگٸرشەكتەرٸ اشىلعان. ونداعى باعا باسقا ٶزگە ساۋدا نٷكتەلەرٸنە قاراعاندا 30-50 پايىز تٶمەن.
«تٸپتٸ سول بازارداعى ٸرگەلەس سٶرەلەردٸڭ ٶزٸ سوعان قاراپ, باعانى تٷسٸرٸپ جاتىر. جۇمىرتقا باعاسىنا دا شەكتٸ باعا بەكٸتتٸك. ەندٸ قىرىققاباتتىڭ باعاسىن دا بەكٸتپەكشٸمٸز», - دەدٸ قالا باسشىسى.
