بيىل الماتىداعى ەكٸ كٶلٸك جولايرىعىنىڭ قۇرىلىسى اياقتالادى. بۇل تۋرالى قالالىق موبيلدٸلٸك باسقارماسى مەلٸم ەتتٸ, دەپ حابارلايدى "ۇلت اقپارات".
«جەر ۋچاسكەلەرٸن ساتىپ الۋعا بيۋدجەتتەن قاراجات ۋاقتىلى بٶلٸنسە, رىسقۇلوۆ داڭعىلى مەن ەمتسوۆ كٶشەسٸندەگٸ جولايرىقتاردىڭ قۇرىلىسىن 2021 جىلى اياقتاۋ جوسپاردا. الماتى قالاسىنىڭ جەر قاتىناستارى باسقارماسىنىڭ اقپاراتى بويىنشا, جەر ۋچاسكەلەرٸن ساتىپ الۋ ٷشٸن 170 ملن تەڭگە سوماسىنا بيۋدجەتتٸك ٶتٸنٸم بەرٸلدٸ», - دەپ حابارلادى باسقارمادان.
سونىمەن قاتار, بيىل اباي كٶشەسٸن ۇزارتۋ جۇمىستارى اياقتالادى.
«ەۋەزوۆ كٶشەسٸنە كەلەر بولساق, قازٸرگٸ ۋاقىتتا №1 ۋچاسكە بويىنشا: ەۋەزوۆ كٶشەسٸن گوگول كٶشەسٸندەگٸ «Silver House Building» جشس-نە تيەسٸلٸ جەر ۋچاسكەسٸنٸڭ شەكاراسىنا دەيٸن قالپىنا كەلتٸرۋ بويىنشا جوبالىق-سمەتالىق قۇجاتتار ەزٸرلەنٸپ, مەردٸگەرلەردٸ انىقتاۋ جۇمىستارى جٷرگٸزٸلۋدە. بۇل كٶشەنٸ ۇزارتۋ ٷشٸن جەر ۋچاسكەلەرٸن ساتىپ الۋ قاراستىرىلماعان»,- دەپ اتاپ ٶتتٸ باسقارماداعىلار.
