الماتى قالاسى ناۋرىزباي اۋدانىنىڭ ەكٸمٸ سانجار توعاي اباي كٶشەسٸن سوزۋ جۇمىسى قاشان اياقتالاتىنىن ايتتى, دەپ حابارلايدى قازاقپارات.
بۇل جۇمىس 2017 جىلى باستالعان بولاتىن.
«ناۋرىزباي اۋدانىندا اباي كٶشەسٸنٸڭ بويىندا 264 نىسان ورنالاسقان. ولاردىڭ بٸرازى ۋچاسكەسٸن ساتۋعا سوت ارقىلى كەلٸستٸ. قالعانى سوتتا قارالىپ جاتىر. باعالاۋ جٷرگٸزٸلٸپ جاتىر. اباي كٶشەسٸ ەشٸموۆ كٶشەسٸنە دەيٸن سوزىلدى. باتىستان كارەرنايا كٶشەسٸنەن نۇرلى كٶشەسٸنە دەيٸن دە جٶندەۋ جۇمىستارى اياقتالدى. ەندٸ وسى ەكٸ ۋچاسكەنٸ قوسۋ عانا قالدى», - دەدٸ ول.
ەكٸمنٸڭ ايتۋىنشا جەر قاتىناستارى باسقارماسى جەردٸ مەملەكەت مٷددەسٸنە ساتىپ الۋمەن اينالىسىپ جاتىر.
بيىل وسى ماقساتتا 3,7 ملرد تەڭگە بٶلٸندٸ.
«بۇل بەلگٸلەنگەن ٶتەماقىعا كەلٸسكەن ۋچاسكەلەر بويىنشا كٶرسەتٸلگەن سوما. كەلٸسپەگەن ادامدارمەن جۇمىس كەلەسٸ جىلى سوتتا قارالادى. انىق ۋاقىتىن ايتۋ مٷمكٸن ەمەس. شامامەن ەكٸ جىلدا جٷزەگە اسىپ قالار دەپ ويلايمىن», - دەدٸ سانجار توعاي.
سونىمەن قاتار, اۋدان باسشىسى تٶلە بي كٶشەسٸنٸڭ بولاشاقتاعى كەلبەتٸ تۋرالى باياندادى.
«الماتى قالالىق باس جوسپارىنا سەيكەس تٶلە بي كٶشەسٸ نۇرلى كٶشەسٸنە دەيٸن سوزىلۋى تيٸس. بۇل كٶشە اۋدان ەكٸمدٸگٸنەن باستالىپ, رايىمبەك كٶشەسٸنە دەيٸن سوزىلاتىن بولادى. بٷگٸنگٸ تاڭدا نۇرلى كٶشەسٸن رايىمبەككە دەيٸن سوزۋ, تٶلە بي كٶشەسٸن نۇرلى كٶشەسٸنە دەيٸن سوزۋ مەسەلەسٸن قاراستىرىپ جاتىرمىز. بۇل شارالار قالاعا كٸرەتٸن كٶلٸكتەر اعىنىن ازايتۋعا سەپتٸگٸن تيگٸزبەك. جوبا بيىل اياقتالادى. كەلەسٸ جىلى قۇرىلىس جۇمىستارى باستالادى», - دەدٸ ول.
