كتك كادرى
الماتىدا جەتٸ جاستاعى كارينانى اسقان قاتىگەزدٸكپەن ۇرىپ ٶلتٸردٸ دەپ ايىپتالعان ەيەل بار كٸنەنٸ قىزدىڭ ەكەسٸنە ارتىپ وتىر. بٷگٸنگٸ سوتتا ايىپتالۋشى بالجان تۇرلىبەكوۆا ٶگەي قىزى تۋعان ەكەسٸنٸڭ قولىنان قازا تاپقانىن ايتتى, - دەپ حابارلايدى "ۇلت اقپارات" كتك تەلەارناسىنا سٸلتەمە جاساپ.
اتىشۋلى ٸسكە قاتىستى كەزەكتٸ سوت وتىرىسىندا كٷدٸكتٸ ەيەل ازاماتتىق نەكەدەگٸ كٷيەۋٸن جامانداۋمەن بولدى. ول بەكەن زاكۋراەۆتىڭ قىزىنا ٷنەمٸ قول جۇمساعانىن, سونداي-اق ٸشكٸلٸككە قۇمار بولعانىن ايتتى. كارينانى ەكەسٸ كەزەكتٸ رەت وڭباي ساباپ, اقىرى جەتكٸنشەك تٸلگە كەلمەستەن كٶز جۇمدى دەيدٸ.
"كارينا دەرەتٸن جٸبەرٸپ قويىپ, ەكەسٸ ونى جۋىندىرۋى كەرەك بولعان. مەن وعان "تەك ۇرما" دەدٸم. ٷي جيناپ جٷرٸپ ۆاننادان بٸر دىبىس شىقتى. بارىپ قاراسام, كارينا ۆاننانىڭ ٸشٸندە ٸسٸنٸپ, قورىلداپ جاتىر. جۋىندىرىپ بٶلمەگە اپارىپ جاتقىزدىم. مەن تەك ونى تالىپ قالعان ەكەن دەپ ويلادىم. ٶلٸپ قالادى دەگەن وي بولماپتى", - دەيدٸ ايىپتالۋشى.
ەندٸ ول "كٷيەۋٸنٸڭ قىلمىسىن جاسىرماي, ەۋ باستا شىندىقتى ايتۋ كەرەك ەدٸ" دەپ وتىر.
ەسكە سالايىق, وقيعا بىلتىر شٸلدەدە بولدى. جەتٸ جاستاعى قىز ٶگەي شەشەسٸنەن تٶرت اي بويى تاياق جەپ, اقىر سوڭىندا ميىنا قان قۇيىلىپ كٶز جۇمعان. قىزدىڭ ٶگەي شەشەسٸ ەرٸ ٶزٸن قوعام بەلسەندٸسٸ رەتٸندە كٶرسەتەتٸن بالجان تۇرلىبەكوۆا قاماۋعا الىنعان ەدٸ. قايتىس بولعان كارينانىڭ ەجەسٸ مەن ٶزگە دە تۋىستارى قىزدىڭ تۋعان ەكەسٸن دە جاۋاپقا تارتۋدى تالاپ ەتكەن.
