الماتىدا ورتالىقتاندىرىلعان كٸتاپحانالار جٷيەسٸن اۋقىمدى جاڭعىرتۋ ماقساتىندا جٷرگٸزٸلگەن جٶندەۋدەن كەيٸن كرىلوۆ اتىنداعى قالالىق بالالار كٸتاپحاناسى پايدالانۋعا بەرٸلدٸ, دەپ حابارلايدى "ۇلت اقپارات".
مەگاپوليس ەكٸمٸ باقىتجان ساعىنتاەۆ Instagram-داعى پاراقشاسىندا ەۋەزوۆ كٶشەسٸ, 175 مەكەنجايدا ورنالاسقان ي. كرىلوۆ اتىنداعى قالالىق بالالار كٸتاپحاناسىنىڭ اۋقىمدى جٶندەۋ جۇمىسىنان كەيٸن قايتا اشىلعانىن, مۇندا زاماناۋي ەرٸ جايلى وقۋ زالدارى مەن تٷرلٸ ٷيٸرمەلەرگە ارنالعان ورىندار پايدا بولعانىن جازدى.
«التىن شاڭىراق» مەدەنيەت پەن تاريحتى زەردەلەۋ ورتالىعىمەن قاتار زيياتكەرلٸك ويىن مەن دومبىرانى, كومپيۋتەرلٸك ساۋاتتىلىققا وقىتاتىن جاڭا ورتالىقتار اشىلۋدا. سونداي-اق, مۇنداعى ەرتٷرلٸ جاستاعى بالالارعا ارنالعان «كرەاتيۆتٸ شىعارماشىلىق», «جاس عالىم» كلۋبتارى مەن «وقيمىز, ٷيرەنەمٸز, وينايمىز» ٷيٸرمەسٸ دە قىزىققا تولى ورتا», - دەپ اتاپ ٶتتٸ ساعىنتاەۆ.
بٷگٸنگٸ كٷنٸ كٸتاپحانا قورىندا 242 مىڭ كٸتاپ بار, ونىڭ 45 مىڭى قازاق تٸلٸندە. قىزمەت كٶرسەتۋدٸڭ جاڭا مودەلٸ تٷرلٸ ٸس-شارالاردى جوعارى دەڭگەيدە ٶتكٸزۋگە, سونداي-اق كەلۋشٸلەر سانىن جىلىنا 250 مىڭ ادامعا دەيٸن ارتتىرۋعا مٷمكٸندٸك بەرمەك.
كٸتاپحانا ساعات 9.00-دەن 20.00-گە دەيٸن دەمالىسسىز جۇمىس ٸستەيدٸ.
الماتىداعى 25 كٸتاپحانانىڭ 16-سى جاڭا فورماتتا جۇمىس ٸستەيدٸ. بيىل قالعان كٸتاپحانالاردى مودەرنيزاتسييالاۋ جوسپاردا.
