الماتى ەكٸمدٸگٸ جىلۋ قۇبىرىنىڭ جارىلۋ سەبەبٸن اتادى, دەپ حابارلايدى "ۇلت اقپارات".
رايىمبەك داڭعىلى بويىندا جارىلعان جىلۋ قۇبىرىنىڭ توزىعى جەتكەن. ول وسىدان 48 جىل بۇرىن تٶسەلگەن. ونىڭ ديامەترٸ - 800 مم.
«تٶتەنشە جاعداي 24 قازاندا ساعات 15:00-دە تٸركەلدٸ. قازٸر ول جەردە «الماتى جىلۋ جەلٸلەرٸ» جشس-نٸڭ جەدەل بريگاداسى جۇمىس ٸستەپ جاتىر. اپاتتى جويۋعا 3 ارنايى تەحنيكا, 1 ەكسكاۆاتور, 2 ساموسۆال, 15 جۇمىسشى جۇمىلدىرىلدى», - دەدٸ ەكٸمدٸك.
ەسكە سالساق, الماتىدا جىلۋ قۇبىرىنىڭ جارىلعانى تۋرالى حابارلاعان بولاتىنبىز. سونداي-اق, ون كٷن بۇرىن دەل وسى رايىمبەك داڭعىلىندا جىلۋ قۇبىرى جارىلىپ, كٶشەلەردٸ ىستىق سۋ باسقان.
