الماتىلىقتار قازاقستاننىڭ حالىق جازۋشىسى قابدەش جۇمادٸلوۆتٸ اقتىق ساپارعا شىعارىپ سالدى. قالامگەر تۇرعان ٷيدٸڭ الدىنا 200-گە جۋىق ادام جينالىپ, مارقۇمنىڭ جانازاسى شىعارىلدى, دەپ حابارلايدى Sputnik قازاقستان.
جينالعانداردىڭ اراسىندا قازاقستان جازۋشىلار وداعىنىڭ تٶراعاسى ۇلىقبەك ەسدەۋلەت, مەدەنيەت جەنە سپورت ۆيتسە-مينيسترٸ نۇرعيسا داۋەشوۆ, قازاقستان پارلامەنتٸ مەجٸلٸسٸنٸڭ دەپۋتاتى قازىبەك يسا, الماتى قالاسى ەكٸمٸنٸڭ ورىنباسارى ەرجان باباقۇماروۆ, الماتى قالاسى مەدەنيەت باسقارماسىنىڭ باسشىسى عاني مايلىباەۆ قاتىستى.
سونىمەن قاتار قالامگەردٸڭ تۋىستارى مەن ۇلى ارمان قابدىراشيتۇلى بولدى.
قالامگەرمەن قوشتاسۋ رەسٸمٸندە العاشقى سٶز قازاقستان جازۋشىلار وداعىنىڭ تٶراعاسى ۇلىقبەك ەسدەۋلەتكە بەرٸلدٸ. اقىن ٶز سٶزٸندە قابدەش جۇمادٸلوۆتٸڭ ٶتكەن عاسىردىڭ ەكٸنشٸ جارتىسىندا بٸر توپ قازاقتى سوڭىنان ەرتٸپ, اتامەكەنگە ورالعانىن ەرەكشە اتاپ ٶتتٸ.
"بٷكٸل عۇمىرىن ەلٸنە, جۇرتىنا ارناعان, قالامىنىڭ قارىمىن ٶز جۇرتىنا جۇمساعان ناعىز جازۋشى, قارا قىلدى قاق جارعان ەدٸل ادام, قاجىماس قايسار كٷرەسكەر, اقيقات پەن شىندىقتىڭ جولىندا عۇمىرىن سارپ ەتكەن ۇلتتىڭ ابىز اقساقالى دەرەجەسٸنە كٶتەرٸلگەن ابزال اعامىز ەدٸ. (...) شەكارادان قاجىتاي اعام (قاجىتاي ٸليياس) ەكەۋٸ عانا ٶتٸپ قويماي, سوڭىنان قانشاما جٷز مىڭ ادامدى ٸلەستٸرٸپ كەلٸپ, ٶزٸ "سوڭعى كٶش" دەپ ات قويعان كٶش الىپ كەلٸپ ەدٸ. قازاق دەگەن حالىقتىڭ قاتارىن تولتىرىپ, كەمٸستٸگٸن, ولقىلىعىن تولتىرىپ, سانىن كٶبەيتٸپ, ساپاسىن ارتتىردى. 1950-60 جىلدارى كەلگەن قازاقتىڭ ۇرپاقتارى كەرەمەت بيٸكتەرگە, مەملەكەتتٸڭ تۋىن تٸگٸپ, ٸرگەسٸن بەكٸتۋگە, تەۋەلسٸزدٸكتٸڭ نىعايۋىنا ەڭبەك سٸڭٸردٸ", - دەدٸ ەسدەۋلەت.
ول سونداي-اق, قابدەش جۇمادٸلوۆتٸڭ جازۋشى رەتٸندە ەرەكشەلٸگٸن اتادى.
"ول كٸسٸنٸڭ باسقا جازۋشىلاردان ەرەكشەلٸگٸ – بٸر دەۋٸردٸ عانا ەمەس, بٸرنەشە دەۋٸردٸ قامتىپ جازدى. ارعى تاريحتى, بەرگٸ تاريح پەن بٷگٸنگٸ كٷندٸ جازدى. ول كٸسٸنٸڭ ايقاسىپ-شايقاسىپ ارالاسپاعان سالاسى جوق. قازاقتىڭ قۇلاپ بارا جاتقان بٸر شاڭىراعىن تٷزەتسەم, قيسايىپ بارا جاتقان ارباسىن تٷزەتسەم دەگەن ٷلكەن نيەتٸن ٸسكە اسىرىپ كەتتٸ. ايتقانىن ٸستەپ, اتقانىن تيگٸزدٸ, دەگەنٸنە جەتتٸ دەپ ويلايمىن. ول كٸسٸنٸڭ جەتە الماعانى بولسا, وسىندا تۇرعان ۇرپاقتارى سٸزدەر جەتكٸزەسٸزدەر", - دەدٸ قازاقستان جازۋشىلار وداعىنىڭ تٶراعاسى.
قارالى جيىندا مەدەنيەت جەنە سپورت مينيسترٸنٸڭ ورىنباسارى نۇرعيسا داۋەشوۆ ەلباسى نۇرسۇلتان نازارباەۆ پەن مەدەنيەت جەنە سپورت مينيسترٸ اقتوتى رايىمقۇلوۆانىڭ كٶڭٸل ايتۋ حاتىن حاتىن وقىپ بەردٸ.
"كٶرنەكتٸ قالامگەر, قازاقستاننىڭ حالىق جازۋشىسى, مەملەكەتتٸك سىيلىقتىڭ لاۋرەاتى قابدەش جۇمادٸلوۆتٸڭ ٶمٸردەن ٶتۋٸنە بايلانىستى ورنى تولماس اۋىر قايعىعا ورتاقتاسىپ, كٶڭٸل ايتامىن. قابدەش جۇمادٸلۇلى – قارىمدى شىعارماشىلىعى, قاجىرلى قايراتكەرلٸگٸمەن قازاق ەدەبيەتٸنٸڭ دامۋىنا قوماقتى ٷلەس قوسقان اسا تالانتتى تۇلعا بولاتىن. دارابوز دارىن يەسٸ ٶزٸنٸڭ مازمۇنى باي كٶپتەگەن ەڭگٸمەلەرٸ مەن حيكاياتتارى, كەڭ تىنىستى ەپيكالىق روماندارى ارقىلى ۇلتتىق پروزانىڭ ٶسٸپ-ٶركەندەۋٸنە ٶلشەۋسٸز ەڭبەك سٸڭٸرٸپ, قيلى زامانداردا تٷرلٸ تەپەرٸش كٶرگەن قازاق حالقىنىڭ تالايلى تاعدىرى مەن تاريحىن, اۋمالى-تٶكپەلٸ تۇتاس دەۋٸردٸڭ كەلبەتٸن قاپىسىز سومدادى. ونىڭ سوڭىندا قالعان كەسەك تۋىندىلارى – ەدەبيەتٸمٸزدٸڭ التىن قورىندا ساقتالاتىن شىن مەنٸندەگٸ قۇندى رۋحاني قازىنا", - دەلٸنگەن ەلباسىنىڭ كٶڭٸل ايتۋ حاتىندا.
قازاقستان پارلامەنتٸ مەجٸلٸسٸنٸڭ دەپۋتاتى قازىبەك يسا قالامگەردٸڭ مۇحتار ەۋەزوۆكە ۇقساس تۇستارىن ايتىپ, قازاق ەدەبيتٸندەگٸ الىپتاردىڭ تۇياعى دەپ اتادى.
"قازاق ەدەبيەتٸندەگٸ الىپتاردىڭ سوڭعى تۇياقتاردىڭ بٸرٸ ەدٸ. "سوڭعى كٶشتٸ" جازىپ, سوڭعى ابىزدارىمىزدىڭ بٸرٸ بولدى. قالامىمەن دە, قايراتىمەن دە ۇلت ٷشٸن ەڭبەك ەتتٸ. قازاقستاننىڭ حالىق جازۋشىسى دەگەن اتاقتى العان ەكٸ-اق قالامگەر قالعان ەدٸ. ونىڭ ٸشٸندە بٸر عانا جازۋشى بار ەدٸ... بٸز مۇحتار ەۋەزوۆتٸ, سەبيت مۇقانوۆتى كٶرگەن جوقپىز. ال سول مۇحتار ەۋەزوۆتٸڭ ٶزٸندەي, ٶزٸ بولماسا دا كٶزٸندەي, ارتىنا تاستاپ كەتكەن سٶزٸندەي, تۇلعاسى دا ۇقساس قابدەش جۇمادٸلوۆتٸ كٶردٸك", - دەدٸ قازىبەك يسا.
ول سونداي-اق, ەلدەگٸ ەپيدەميولوگييالىق جاعداي بولماسا, تەاتر ٸشٸنە سىيماي اسىل اعامەن قوشتاسار ەدٸك دەپ ٶكٸنٸشٸن جەتكٸزدٸ.
ايتا كەتەيٸك, 2020 جىلدىڭ 5 سەۋٸرٸندە قازاقستاننىڭ حالىق جازۋشىسى قابدەش جۇمادٸلوۆ 85 جاسقا قاراعان شاعىندا دٷنيەدەن ٶتتٸ.
سانالى عۇمىرىن ەدەبيەت پەن قازاق تٸلٸنە ارناعان قالامگەر 11 رومان, 21 پوۆەست, 70-تەن استام ەڭگٸمە جازعان.
قابدەش جۇمادٸلوۆكە 1998 جىلى قازاقستاننىڭ حالىق جازۋشىسى اتاعى بەرٸلدٸ. 1990 جىلى "تاعدىر" رومانى ٷشٸن اباي اتىنداعى مەملەكەتتٸك سىيلىق بەرٸلدٸ.
مارقۇمنىڭ سٷيەگٸ ٶزٸنٸڭ اماناتى بويىنشا شىعىس قازاقستان وبلىسى ٷرجار اۋدانى باقتى – اياگٶز تاس جولىنىڭ بويىنداعى بەيٸتكە قويىلادى.
