سوڭعى ەكٸ اپتادا الماتىدا جۇمىس ورندارىندا COVID-19 جۇقتىرعاندار سانى ارتقان. بۇل تۋرالى قالانىڭ باس مەملەكەتتٸك سانيتارييا دەرٸگەر جانداربەك بەكشين ايتتى, دەپ حابارلايدى قازاقپارات.
«قالادا جاڭا كٶرسەتكٸش پايدا بولدى. سوڭعى ەكٸ اپتادا جۇمىس ورندارىندا جۇقتىرۋ كٶرسەتكٸشٸ كٶبەيدٸ. كٶرسەتكٸش بەس پايىزعا ٶسٸپ, توعىز پايىزعا جەتتٸ. سوندىقتان جۇمىس بەرۋشٸلەردەن ەپيدەميياعا قارسى رەجيمدٸ كٷشەيتۋدٸ سۇرايمىن», - دەدٸ سپيكەر.
سونىمەن قاتار, ول تۇرعىندار كوروناۆيرۋستى قاي جەردە جيٸ جۇقتىراتىنىن ايتتى.
«ٶتكەن اپتادا سىرقاتتانعانداردىڭ 90%-نىڭ نەگٸزگٸ جۇقتىرۋ ورىندارى ساۋدا وبەكتٸلەرٸ – 29%, قوعامدىق كٶلٸك – 21%, 22 پايىزى اۋرۋدى وتباسى مٷشەلەرٸنەن, 9 پايىزى بازارلاردان جۇقتىرعان», - دەدٸ جانداربەك بەكشين.
