الماتىدا №7 قالالىق كلينيكالىق اۋرۋحانانىڭ قابىلداۋ بٶلٸمشەسٸنٸڭ دەرٸگەرلەرٸ مەديتسينالىق كٶمەككە جٷگٸنگەن جٷكتٸ ەيەلدٸ بوساندىرىپ الدى, دٷنيەگە ۇل بالا كەلدٸ, دەپ حابارلايدى قازاقپارات.
باسپاسٶز قىزمەتٸنٸڭ مەلٸمەتٸنشە, الماتى وبلىسىنىڭ 23 جاستاعى تۇرعىنى تولعاعىنىڭ باستالۋىنا بايلانىستى الماتى قالاسىنىڭ №7 قالالىق كلينيكالىق اۋرۋحاناسىنا كٶمەككە جٷگٸنگەن.
وعان شۇعىل تٷردە قابىلداۋ بٶلٸمشەسٸندە قاجەتتٸ مينيمالدى تەكسەرۋ جٷرگٸزٸلدٸ.
دەرٸگەرلەر اناليز الىپ, ۋزيگە تٷسٸردٸ. پەريفەرييالىق كاتەتەر ورناتتى.
20 مينۋتتان كەيٸن قازاقستان رەسپۋبليكاسىنىڭ تاعى بٸر ازاماتى دٷنيەگە كەلدٸ.
بوسانۋدى ستاتسيونار گينەكولوگتارىنىڭ كەزەكشٸ بريگاداسى قابىلدادى.
ەيەلدٸ بوساندىرۋدىڭ بارلىق پروتسەسٸن كلينيكا رەانيماتولوگتارى جٷرگٸزدٸ.
«جٷكٸتٸلٸك مەرزٸمٸ - 38 اپتا, بوساندىرۋ شۇعىل تٷردە بولدى. جٷكتٸ ەيەل تۇرعىلىقتى مەكەنجايىنان جىراقتا بولۋىنا بايلانىستى بٸزدٸڭ اۋرۋحاناعا مەديتسينالىق كٶمەككە جٷگٸنگەن. بۇل - ونىڭ ەكٸنشٸ بالاسى. اي-كٷنٸ تولىق جەتكەن. ەرٸپتەسٸم, دوكتور شاحلو ابدۋجاباروۆا ەكەۋمٸز قابىلداۋ بٶلٸمشەسٸنٸڭ رەانيماتسييا زالىندا بوساندىردىق. پروتسەسس اسقىنۋسىز بٸرقالىپتى ٶتتٸ. انانىڭ دا, بالانىڭ دا جاعدايى جاقسى. بالا جارىق دٷنيە ەسٸگٸن اشتى. بۇل - باقىت!», - دەيدٸ ەيەلدٸ بوساندىرىپ العان №1 گينەكولوگييا بٶلٸمشەسٸنٸڭ مەڭگەرۋشٸسٸ گٷلميرا جاماەۆا.
قازٸرگٸ ۋاقىتتا انا مەن بالانى جەدەل مەديتسينالىق كٶمەك جەنە نەوناتالدى بريگادا مامانداندىرىلعان مەديتسينالىق ۇيىمعا جەتكٸزدٸ.
«سونىمەن قاتار, بٷگٸندە جەتٸنشٸ قالالىق اۋرۋحانانىڭ بارلىق مەديتسينالىق قىزمەتكەرلەرٸ ەرەكشە جاعىمدى سەزٸمدەردٸ سەزٸنەدٸ, ٶيتكەنٸ مۇندا بالالار كٷن سايىن دٷنيەگە كەلمەيدٸ, ٶيتكەنٸ بۇل پەرزەنتحانا ەمەس. جەنە ٶزدەرٸنٸڭ ەرٸپتەستەرٸن ماقتان تۇتادى. بٷگٸن ولار دەرٸگەرلٸك كورپوراتيۆتٸك چاتتا ەرٸپتەستەرٸن سەتتٸ ٶتكەن بوساندىرۋمەن قۇتتىقتاپ, اناسىنا تەزٸرەك ساۋىعىپ كەتۋٸن جەنە بالاعا «باۋى بەرٸك بولسىن» تٸلەدٸ. ولار تٸپتٸ بالانى ٶزارا قالقامان دەپ اتاۋ كەرەك دەپ قالجىڭدادى»,- دەپ اتاپ ٶتتٸ اۋرۋحانانىڭ باسپاسٶز قىزمەتٸ.
