الماتىدا وسى جازدا كٶپقاباتتى ٷيلەردٸڭ تەرەزەلەرٸنەن بەس بالا قۇلاپ كەتكەن. بۇل تۋرالى الماتى قالالىق تجد مەلٸم ەتتٸ, دەپ حابارلايدى "ۇلت اقپارات".
الماتى قالالىق تٶتەنشە جاعدايلار دەپارتامەنتٸنٸڭ دەرەگٸنشە, وقىس وقيعا سالدارىنان بالالار تٷرلٸ جاراقاتتار الىپ, كەيبٸرٸ كٶز جۇمعان.
«بۇل كٶبٸنەسە ەرەسەكتەر كٷندٸز-تٷنٸ تەرەزەلەر مەن بالكونداردى اشىق تاستاپ كەتكەن كەزدە ورىن الادى. جوعارى قاباتتان ەسٸرەسە 5 جاسقا دەيٸنگٸ بالالار قۇلاپ كەتەدٸ. كٸشكەنتايلارعا قازٸر بەرٸ قىزىق, ولار قاۋٸپ دەگەندٸ بٸلمەيدٸ», - دەدٸ تجد.
2 تامىزدا مەدەۋ اۋدانىندا 4 جاسار بالا بەس قاباتتى ٷيدٸڭ 5-شٸ قاباتىنان قۇلادى. بٷلدٸرشٸن جەدەل-جەردەم كەلگەنشە كٶز جۇمدى. دەل سول كٷنٸ ەۋەزوۆ اۋدانىندا ەكٸ جاسار قىز تەرەزەگە قويىلعان تورىمەن بٸرگە تٶمەنگە قاراي قۇلاعان. باسىنان جاراقات العان ول اۋرۋحاناعا جەتكٸزٸلدٸ, قازٸر ەس-تٷسسٸز جاتىر.
وسىعان بايلانىستى, الماتى قالالىق تٶتەنشە جاعدايلار دەپارتامەنتٸ اتا-انالارعا قاجەتتٸ ەرەجەلەردٸ ايتادى.
«بالالار تەرەزە 12,5 سم اشىق تۇرسا تٶمەنگە قۇلاپ كەتۋٸ مٷمكٸن. سوندىقتان, تەرەزەگە ارنايى قۇلىپتار ورناتقان جٶن. بالالارعا تەرەزەلەردەن الىس جەردە ويناۋدى تٷسٸندٸرٸپ, ٷيرەتۋ كەرەك. ولاردى ٷنەمٸ قاداعالاپ وتىرۋ قاجەت. جەندٸكتەردەن ساقتايتىن تورلارعا سەنۋگە بولمايدى», - دەپ تولىقتىردى دەپارتامەنتتەگٸلەر.
سونداي-اق, ماماندار قاراپايىم جەنە سەنٸمدٸ قۇرىلعى تۋرالى ايتتى.
«ارنايى كابەلدٸ جٸپ تەرەزەلەردٸ كەڭٸنەن اشۋعا مٷمكٸندٸك بەرمەيدٸ. بۇل قۇرىلعىنى پلاستيكالىق جەنە اعاش تەرەزەلەرگە ورناتۋعا بولادى. جەلدەتۋ كەزٸندە دە ٶتە قولايلى. بۇل تەسٸل بالالاردىڭ قاۋٸپسٸزدٸگٸن قامتاماسىز ەتەدٸ», - دەپ اتاپ ٶتتٸ تٶتەنشە جاعدايلار دەپارتامەنتٸندە.
