فوتو: تۇرار قازانعاپوۆ, Tengrinews.kz
الماتىداعى جاپپاي تەرتٸپسٸزدٸك كەزٸندە ورتالىققا جاقىن ورنالاسقان 37 پەتەردٸ بۇزاقىلار بٷلدٸرٸپ كەتكەن. بۇل تۋرالى قالا ەكٸمٸ باقىتجان ساعىنتاەۆتىڭ قاتىسۋىمەن ٶتكەن شۇعىل شتاب وتىرىسىندا بەلگٸلٸ بولدى, دەپ حابارلايدى قازاقپارات.
«بٷگٸنگە دەيٸن 37 پەتەرگە تەكسەرٸس جٷرگٸزٸلدٸ. قازٸر ماماندار قانشا شىعىن كەلگەنٸن ەسەپتەپ جاتىر. بۇعان بٸرنەشە كٷن قاجەت. بٸز ول تۋرالى پيك پەن تۇرعىندارعا حابارلايمىز, ٶيتكەنٸ الداعى ەكٸ كٷندە تەرگەۋ امالدارى جٷرگٸزٸلەدٸ», - دەدٸ قالا ەكٸمٸنٸڭ ورىنباسارى مۇحيت ەزٸرباەۆ.
بۇعان دەيٸن الماتى ەكٸمدٸگٸ عيماراتىنا كەلگەن شىعىن تۋرالى جازعان بولاتىنبىز.
الدىن الا ەسەپ بويىنشا, شىعىن كٶلەمٸ - 112,6 ملرد تەڭگە. ونىڭ 67 ملرد تەڭگەسٸ بيزنەس سۋبەكتٸلەرٸنە تيەسٸلٸ.
الماتىداعى بٷلٸكتەن كەيٸن 240 نىسان زارداپ شەكتٸ. باسىم بٶلٸگٸ ەسٸك-تەرەزەسٸن اۋىستىرۋدى قاجەت ەتەدٸ جەنە جارتىلاي ٶرتەنگەن نىساندار بار.
