الماتىدا جاڭادان سالىنعان اۋرۋحانا COVID-19 ۆيرۋسىن جۇقتىرعان پاتسيەنتتەردٸ قابىلداي باستادى.
«كەشە ي.س. جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىنىڭ فيليالى COVID-19 ۆيرۋسىن جۇقتىرعان پاتسيەنتتەردٸ قابىلداي باستادى. قازٸر وندا 43 ناۋقاس بار», - دەپ حابارلادى قالالىق دەنساۋلىق ساقتاۋ باسقارماسى.
ەسكە سالايىق, بۇل اۋرۋحانا 280 تٶسەك-ورىنعا ەسەپتەلگەن. قۇرىلىمىنا 9 كلينيكالىق بٶلٸم, 28 ادامعا ارنالعان جانساقتاۋ بٶلٸمٸ, دالاعا جەكە شىعاتىن بٸر ورىندىق 10 پالاتا, بەس ورىندىق ديناميكالىق باقىلاۋ پالاتالارى بار قابىلداۋ بٶلٸمشەسٸ كٸرەدٸ.
سونىمەن قاتار, مودۋلدٸك كەشەندە پالاتالاردا جەلدەتۋ جٷيەسٸ جۇمىس ٸستەيدٸ. ۆيرۋستارى بار اۋا پالاتادان تىس جەرگە شىقپاي, ول ارنايى زالارسىزداندىرۋ جٷيەسٸنە تٷسەدٸ.
