الماتى قالاسىندا جاڭا تۋعان سەبيٸن ساتپاق بولعان ەرلٸ-زايىپتى ۇستالدى. بۇل تۋرالى قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز مەلٸم ەتتٸ, دەپ حابارلايدى "ۇلت اقپارات".
«الماتى پوليتسيياسى جاڭا تۋعان سەبيٸن جامبىل وبلىسىنىڭ تۇرعىنىنا ساتپاق بولعان ەرلٸ-زايىپتى ٶزبەكستان ازاماتتارىن ۇستادى», - دەدٸ ول.
رەسمي ٶكٸلدٸڭ ايتۋىنشا, ال باتىس قازاقستان وبلىسىنىڭ پوليتسييا قىزمەتكەرلەرٸ ورال قالاسىندا 17 جاستاعى قىزدى الداۋ ارقىلى جەزەكشٶلٸككە سالعان تٷركٸستان وبلىسىنىڭ 30 جاستاعى تۇرعىنىن قولعا تٷسٸردٸ.
«ماڭعىستاۋ وبلىسىندا شارۋا قوجالىعىنىڭ باسشىسى 59 جاستاعى ازاماتتى كٷشتەپ, مامىر مەن ماۋسىم ارالىعىندا مەجبٷرلٸ تٷردە جۇمىسقا جەگٸ فاكتٸسٸن انىقتادى. بارلىق فاكتٸ بويىنشا سوتقا دەيٸنگٸتەرگەۋ جٷرگٸزٸلٸپ جاتىر», - دەدٸ نۇردٸلدە وراز.
