الماتىدا جاڭا تٶرت جولاقتى جول اشىلدى. بۇل تۋرالى باقىتجان ساعىنتاەۆ ٶزٸنٸڭ Instagram-داعى پاراقشاسىندا جازدى, دەپ حابارلايدى "ۇلت اقپارات".
«جولدى جاقسارتۋ بويىنشا اۋقىمدى جۇمىس جالعاسۋدا – جاڭا جول سالىپ, بار جولدى جٶندەپ, ۇزارتۋدامىز. جاقىندا الاتاۋ كٶشەسٸنٸڭ سەبدەنوۆ كٶشەسٸنەن رايىمبەك داڭعىلىنا دەيٸنگٸ 2 شاقىرىمدىق ۋچاسكەسٸ اشىلدى. تٶرت جولاقتى جول ناۋرىزباي اۋدانىنىڭ ەكٸمشٸلٸك ورتالىعىن قالانىڭ ٸرٸ ماگيسترالٸمەن بايلانىستىردى. اباي داڭعىلىن ۇزارتۋ جۇمىستارى اياقتالعان سوڭ قالا ورتالىعىمەن كٶلٸك قاتىناسى ەدەۋٸر جاقسارادى», - دەپ جازدى الماتى ەكٸمٸ.
«جاڭا الماتىنى» دامىتۋدىڭ كەشەندٸ جوسپارى اياسىندا الاتاۋ, تٷركسٸب پەن ناۋرىزباي اۋداندارىنا قاراستى سەگٸز ىقشاماۋدانداعى 415 كٶشەدە 108 شاقىرىم جول سالىنىپ جاتىر. سونداي-اق, بيىل مەدەۋ اۋدانىنداعى «دۋمان» ىقشاماۋداننىڭ 59 كٶشەسٸندە, ياعني 30,5 شاقىرىم جولدىڭ كٷردەلٸ جٶندەۋ جۇمىسى اياقتالادى.
«ۇزىندىعى 206 شاقىرىمنان اساتىن 212 كٶشەدە ورتاشا جٶندەۋ جۇمىسى جٷرگٸزٸلۋدە. سونىڭ 20-سى ماگيسترالدى, ۇزىندىعى 43 شاقىرىم. ول رىسقۇلوۆ, سٷيٸنباي, سەيفۋللين, رايىمبەك داڭعىلى, سونداي-اق سەتباەۆ, كۋدەرين, جانسٷگٸروۆ, ياسساۋي, شالياپين, مومىشۇلى, جاندوسوۆ, قۇرمانعازى كٶشەسٸ. جٶندەۋ جۇمىسىنىڭ جالپى كٶلەمٸنٸڭ شامامەن 20%-ىن اياقتاۋ قالدى»,- دەپ اتاپ ٶتتٸ باقىتجان ساعىنتاەۆ.
جالپى, 237 شاقىرىم جولدا ورتاشا جەنە كٷردەلٸ جٶندەۋ جٷرگٸزٸلەدٸ. 71 شاقىرىم ينجەنەرلٸك جەلٸلەر سالىنعاننان كەيٸن قالپىنا كەلتٸرٸلەدٸ. ال 70 شاقىرىم جول بٸرٸنشٸ رەت سالىنادى.
«جول قوزعالىسىن باسقارۋ پروتسەستەرٸن اۆتوماتتاندىرۋ جالعاسۋدا. بٷگٸنگٸ كٷنٸ قباج (قوزعالىستى باسقارۋدىڭ اۆتوماتتاندىرىلعان جٷيەسٸ) مودەرنيزاتسيياسىنىڭ بٸرٸنشٸ كەزەڭٸ اياقتالدى, وندا 93 باعدارشام وبەكتٸسٸ جٷيەگە قوسىلعان. باسقارۋ ورتالىق باسقارۋ ورتالىعىنىڭ ٷي-جايىنان جٷزەگە اسىرىلادى. قازٸرگٸ ۋاقىتتا پايدالانۋعا بەرۋ جۇمىستارى جٷرگٸزٸلۋدە. ەكٸنشٸ كەزەڭ, 357 باعدارشامدى قابج-عا قوسۋدى كٶزدەيدٸ, ول 2022 جىلعا جوسپارلانعان»,- دەپ جازدى ەكٸم.
