فوتو: فوتو: الماتى ٶڭٸرلٸك كوممۋنيكاتسييالار قىزمەتٸ
بٷگٸن تاڭعى ساعات 07:00-دە الماتى قالاسىندا 653 سايلاۋ ۋچاسكەسٸ اشىلىپ, جالپىۇلتتىق رەفەرەندۋمعا داۋىس بەرۋ باستالدى, دەپ حابارلايدى Ult.kz.
العاشقى مينۋتتان-اق قالانىڭ بارلىق اۋدانىنداعى ۋچاسكەلەردە تۇرعىنداردىڭ بەلسەندٸ قاتىسۋى بايقالدى. كٶپتەگەن الماتىلىق دەمالىس كٷنٸ تاڭەرتەڭ ەرتە كەلٸپ, داۋىس بەرۋدٸ جٶن كٶرگەن.
سايلاۋ ۋچاسكەلەرٸندە مەرەكەلٸك كٶڭٸل كٷي قالىپتاستى. قالا تۇرعىندارى ٷشٸن ەستەلٸك سۋرەتكە تٷسۋگە ارنالعان تاقىرىپتىق فوتوايماقتار ۇيىمداستىرىلىپ, دەستٷر بويىنشا العاش داۋىس بەرگەن ازاماتتارعا شاعىن سىيلىقتار ۇسىنىلدى.
فوتو: فوتو: الماتى ٶڭٸرلٸك كوممۋنيكاتسييالار قىزمەتٸ
الماتىدا بارلىق ازاماتتىڭ داۋىس بەرۋٸنە قاتىسۋىنا قولايلى جاعداي جاساۋعا ەرەكشە كٶڭٸل بٶلٸنگەن. كٶرۋ قابٸلەتٸ بۇزىلعان ازاماتتار ٷشٸن بيۋللەتەندەرگە ارنالعان برايل قارپٸمەن جازىلعان ارنايى ترافارەتتەر دايىندالدى, ال داۋىس بەرۋ كابينالارى ەرەكشە قاجەتتٸلٸگٸ بار ادامدارعا بەيٸمدەلگەن. سونىمەن قاتار ۋچاسكەلەردە تسيفرلىق قولداۋ ۇيىمداستىرىلىپ, ونلاين سۋردواۋدارماشىلار ەستۋ قابٸلەتٸ بۇزىلعان ازاماتتارعا قاجەتتٸ اقپارات الۋعا كٶمەكتەسەدٸ.
مٷمكٸندٸگٸ شەكتەۋلٸ ازاماتتاردىڭ ۋچاسكەلەرگە بارۋىن جەڭٸلدەتۋ ٷشٸن «ينۆاتاكسي» قىزمەتٸ دە ٸسكە قوسىلدى. بۇل قىزمەت تۇرعىنداردىڭ سايلاۋ ۋچاسكەلەرٸنە كەدەرگٸسٸز جەتۋٸنە مٷمكٸندٸك بەرەدٸ. ال جاسى ٷلكەن نەمەسە دەنساۋلىعىنا بايلانىستى ۋچاسكەگە كەلە المايتىن ازاماتتار ٷشٸن ٷيدە داۋىس بەرۋ ۇيىمداستىرىلعان. سايلاۋ كوميسسيياسىنىڭ مٷشەلەرٸ كٶشپەلٸ جەشٸكتەرمەن تۇرعىنداردىڭ مەكەنجايىنا بارىپ, ەربٸر ازاماتتىڭ رەفەرەندۋمعا قاتىسۋىنا مٷمكٸندٸك جاساپ وتىر.
فوتو: فوتو: الماتى ٶڭٸرلٸك كوممۋنيكاتسييالار قىزمەتٸ
