Foto: Foto: Almaty óńirlik kommýnikatsiialar qyzmeti
Búgin tańǵy saǵat 07:00-de Almaty qalasynda 653 sailaý ýchaskesi ashylyp, jalpyulttyq referendýmǵa daýys berý bastaldy, dep habarlaidy Ult.kz.
Alǵashqy minýttan-aq qalanyń barlyq aýdanyndaǵy ýchaskelerde turǵyndardyń belsendi qatysýy baiqaldy. Kóptegen almatylyq demalys kúni tańerteń erte kelip, daýys berýdi jón kórgen.
Sailaý ýchaskelerinde merekelik kóńil kúi qalyptasty. Qala turǵyndary úshin estelik sýretke túsýge arnalǵan taqyryptyq fotoaimaqtar uiymdastyrylyp, dástúr boiynsha alǵash daýys bergen azamattarǵa shaǵyn syilyqtar usynyldy.
Foto: Foto: Almaty óńirlik kommýnikatsiialar qyzmeti
Almatyda barlyq azamattyń daýys berýine qatysýyna qolaily jaǵdai jasaýǵa erekshe kóńil bólingen. Kórý qabileti buzylǵan azamattar úshin biýlletenderge arnalǵan Brail qarpimen jazylǵan arnaiy trafaretter daiyndaldy, al daýys berý kabinalary erekshe qajettiligi bar adamdarǵa beiimdelgen. Sonymen qatar ýchaskelerde tsifrlyq qoldaý uiymdastyrylyp, onlain sýrdoaýdarmashylar estý qabileti buzylǵan azamattarǵa qajetti aqparat alýǵa kómektesedi.
Múmkindigi shekteýli azamattardyń ýchaskelerge barýyn jeńildetý úshin «Invataksi» qyzmeti de iske qosyldy. Bul qyzmet turǵyndardyń sailaý ýchaskelerine kedergisiz jetýine múmkindik beredi. Al jasy úlken nemese densaýlyǵyna bailanysty ýchaskege kele almaityn azamattar úshin úide daýys berý uiymdastyrylǵan. Sailaý komissiiasynyń músheleri kóshpeli jáshiktermen turǵyndardyń mekenjaiyna baryp, árbir azamattyń referendýmǵa qatysýyna múmkindik jasap otyr.
Foto: Foto: Almaty óńirlik kommýnikatsiialar qyzmeti
