الماتى قالاسى بويىنشا ەكونوميكالىق تەرگەۋ دەپارتامەنتٸ زاڭسىز ويىن بيزنەسٸن ۇيىمداستىرۋشىلارعا قاتىستى سوتقا دەيٸنگٸ تەرگەۋدٸ اياقتادى, دەپ حابارلايدى "ۇلت اقپارات".
جەدەل-تەرگەۋ شارالارى بارىسىندا كومپيۋتەرلٸك كلۋب قىزمەتٸ تٷرٸندە زاڭسىز ويىن بيزنەسٸن بٸرنەشە رەت ۇيىمداستىرۋ فاكتٸسٸ انىقتالدى.
«بۇل مەكەمە قر «ويىن بيزنەسٸ تۋرالى» زاڭىنىڭ نورمالارىنا قايشى جۇمىس ٸستەگەن. ٸس - شارالار بارىسىندا كٶلەڭكەلٸ اينالىمنان «ونلاين كازينو» ٷشٸن تىيىم سالىنعان بيزنەس تٷرٸن ۇيىمداستىرۋعا مٷمكٸندٸك بەرەتٸن قوسىمشالارىمەن, اتاپ ايتقاندا ستاۆكالاردى قابىلداۋ, ۇتىستاردى ەسەپتەۋ جەنە بەرۋ فۋنكتسييالارىن قولدايتىن ونلاين قۇمار ويىندارى بار 42 ويىن كومپيۋتەرٸ تەركٸلەنٸپ الىندى»,- دەپ حابارلادى الماتى قالاسى بويىنشا ەكونوميكالىق تەرگەۋ دەپارتامەنتٸنٸڭ باسپاسٶز قىزمەتٸ.
بۇعان دەيٸن وسى مەكەنجايدا 62 ويىن كومپيۋتەرٸ مەن 3 ويىن تەرمينالى تەركٸلەنٸپ, وسى تۇلعالار ۇيىمداستىرعان ويىن زالىنىڭ زاڭسىز قىزمەتٸنٸڭ جولى كەسٸلگەن بولاتىن.
«گرۋزييانىڭ ەكٸ ازاماتى قر قك 307-بابىنىڭ 3-بٶلٸمٸ 2-تارماعى (اسا ٸرٸ مٶلشەردە تابىس تابۋمەن زاڭسىز ويىن بيزنەسٸن ۇيىمداستىرۋ) بويىنشا قىلمىس جاساعانى ٷشٸن كٸنەلٸ دەپ تانىلىپ, 4,6 جىلعا باس بوستاندىعىنان ايىرىلدى», - دەپ اتاپ ٶتتٸ باسقارماداعىلار.
بۇدان باسقا, سوتتا زاڭسىز ويىن بيزنەسٸ ٷشٸن ٷي-جايدى جالعا بەرۋشٸگە قاتىستى سوتقا دەيٸنگٸ تەرگەۋ قاراستىرىلۋدا.
ايتا كەتەيٸك, الماتى قالاسى بويىنشا ەكونوميكالىق تەرگەۋ دەپارتامەنتٸ «ستوپ-ويىن» جەدەل-پروفيلاكتيكالىق شاراسى اياسىندا قالا اۋماعىنداعى زاڭسىز ويىن ورىندارىن جويۋ ٷشٸن رەيد جٷرگٸزٸپ جاتىر.
