Almaty qalasy boiynsha ekonomikalyq tergeý departamenti zańsyz oiyn biznesin uiymdastyrýshylarǵa qatysty sotqa deiingi tergeýdi aiaqtady, dep habarlaidy "Ult aqparat".
Jedel-tergeý sharalary barysynda kompiýterlik klýb qyzmeti túrinde zańsyz oiyn biznesin birneshe ret uiymdastyrý faktisi anyqtaldy.
«Bul mekeme QR «Oiyn biznesi týraly» zańynyń normalaryna qaishy jumys istegen. Is - sharalar barysynda kóleńkeli ainalymnan «onlain kazino» úshin tyiym salynǵan biznes túrin uiymdastyrýǵa múmkindik beretin qosymshalarymen, atap aitqanda stavkalardy qabyldaý, utystardy esepteý jáne berý fýnktsiialaryn qoldaityn onlain qumar oiyndary bar 42 oiyn kompiýteri tárkilenip alyndy»,- dep habarlady Almaty qalasy boiynsha ekonomikalyq tergeý departamentiniń baspasóz qyzmeti.
Buǵan deiin osy mekenjaida 62 oiyn kompiýteri men 3 oiyn terminaly tárkilenip, osy tulǵalar uiymdastyrǵan oiyn zalynyń zańsyz qyzmetiniń joly kesilgen bolatyn.
«Grýziianyń eki azamaty QR QK 307-babynyń 3-bólimi 2-tarmaǵy (asa iri mólsherde tabys tabýmen zańsyz oiyn biznesin uiymdastyrý) boiynsha qylmys jasaǵany úshin kináli dep tanylyp, 4,6 jylǵa bas bostandyǵynan aiyryldy», - dep atap ótti basqarmadaǵylar.
Budan basqa, sotta zańsyz oiyn biznesi úshin úi-jaidy jalǵa berýshige qatysty sotqa deiingi tergeý qarastyrylýda.
Aita keteiik, Almaty qalasy boiynsha ekonomikalyq tergeý departamenti «Stop-oiyn» jedel-profilaktikalyq sharasy aiasynda qala aýmaǵyndaǵy zańsyz oiyn oryndaryn joiý úshin reid júrgizip jatyr.
