الماتىدا شوقان ۋەليحانوۆ كٶشەسٸنٸڭ بٸر بٶلٸگٸ ٷش ايعا جابىلادى, دەپ حابارلايدى "ۇلت اقپارات".
28 مامىر مەن 31 تامىز ارالىعىندا ش. ۋەليحانوۆ كٶشەسٸنٸڭ م. مەمەتوۆا مەن ەلٸمجانوۆ كٶشەلەرٸ ارالىعىندا كٶلٸك قوزعالىسى شەكتەلەدٸ.
ەنگٸزٸلەتٸن شەكتەۋلەر وسى كٶشەدەگٸ جەراستى ماگيسترالدى قۇبىرىن جوسپارلى جٶندەۋ قاجەتتٸگٸمەن بايلانىستى.
«جەرگٸلٸكتٸ تۇرعىندارعا قولايلى جاعدايدى ساقتاۋ ٷشٸن ٷيلەرگە ىستىق سۋ ۋاقىتشا سحەما بويىنشا بەرٸلەتٸن بولادى», - دەلٸنگەن حابارلامادا.
«الماتى جىلۋ جٷيەسٸ» كومپانيياسىنىڭ ٶكٸلدەرٸ مەجبٷرلٸ قولايسىزدىقتارعا تٷسٸنٸستٸكپەن قاراپ, اتالعان ۋچاسكەنٸ اينالىپ ٶتۋ باعىتتارىن الدىن الا جوسپارلاپ الۋدى سۇرايدى.
