Almatyda Shoqan Ýálihanov kóshesiniń bir bóligi úsh aiǵa jabylady, dep habarlaidy "Ult aqparat".
28 mamyr men 31 tamyz aralyǵynda Sh. Ýálihanov kóshesiniń M. Mámetova men Álimjanov kósheleri aralyǵynda kólik qozǵalysy shekteledi.
Engiziletin shekteýler osy kóshedegi jerasty magistraldy qubyryn josparly jóndeý qajettigimen bailanysty.
«Jergilikti turǵyndarǵa qolaily jaǵdaidy saqtaý úshin úilerge ystyq sý ýaqytsha shema boiynsha beriletin bolady», - delingen habarlamada.
«Almaty jylý júiesi» kompaniiasynyń ókilderi májbúrli qolaisyzdyqtarǵa túsinistikpen qarap, atalǵan ýchaskeni ainalyp ótý baǵyttaryn aldyn ala josparlap alýdy suraidy.
