مٷسٸن اۆتورى, ەيگٸلٸ سۋرەتشٸ-مٷسٸنشٸ پاۆەل شوروحوۆ الماتى ەكٸمٸ باقىتجان ساعىنتاەۆتىڭ ٶتٸنٸشٸن قابىل الدى. ول بۇزاقىلاردىڭ قولىنان زارداپ شەككەن كومپوزيتسييانى باستاپقى قالپىنا كەلتٸرۋدٸ قولعا الدى, دەپ حابارلايدى "ۇلت اقپارات".
الماتى ەكٸمٸ باقىتجان ساعىنتاەۆ Instagram پاراقشاسىندا پاننونىڭ الماتىلىقتار ٷشٸن سٷيٸكتٸ سەۋلەت بەينەلەرٸنٸڭ بٸرٸنە اينالعانىن جازدى.
«تٷيەلەر» سەندٸ-بەدەرلٸ پاننوسىنىڭ اۆتورى, مٷسٸنشٸ پاۆەل شوروحوۆ كومپوزيتسييانى باستاپقى قالپىنا كەلتٸرۋ تۋرالى ٶتٸنٸشٸمدٸ ماقۇلدادى. 1982 جىلى جاسالعان پاننو «دوستىق» سكۆەرٸندە تۇر. بٷگٸندە ول الماتىلىقتاردىڭ سٷيٸكتٸ ارحيتەكتۋرالىق بەينەلەرٸنٸڭ بٸرٸنە اينالدى», – دەپ جازدى ب. ساعىنتاەۆ.
الماتى ەكٸمٸ پاۆەل شوروحوۆ الماتىنىڭ ۆيزيت كارتوچكاسىنا اينالعان بٸرقاتار مٷسٸننٸڭ اۆتورى ەكەنٸن ەسكە سالدى.
ولار — ارباتتا تۇرعان «ويىنداعى بالالار», «فلامينگو», «لوتوس», سونداي-اق قازاق مەملەكەتتٸك تسيركٸنٸڭ جانىنداعى «اكروباتكا», «پانتەرا», «سايقىمازاق» جەنە تاعى باسقا تۋىندىلار.
ونىڭ جۇمىستارى قازاقستان, رەسەي, گەرمانييا, اۆسترييا, يتالييا مۋزەيلەرٸنە قويىلعان.
پاۆەل شوروحوۆتىڭ ايتۋىنشا, قازٸر ول سىرتقى قابىقتى قالپىنا كەلتٸرۋ جۇمىسىمەن اينالىسىپ جاتىر.
«كٶرٸپ تۇرعاندارىڭىزداي, مىس قابىقتىڭ وڭ جەنە سول جاق شەتتەرٸ جۇلىنىپ قالعان. كٶپ زييان كەلتٸرٸلگەن. مىس قاباتىنىڭ شامامەن ٷشتەن بٸر بٶلٸگٸ زاقىمدالعان. مودەلدٸڭ ٶزٸ تەمٸربەتونمەن قۇراستىرىلعان», - دەپ تٷسٸندٸردٸ اۆتور.
سونىمەن قاتار, ول پاننونى قالپىنا كەلتٸرۋ قيىن ەكەنٸن, ونى جٶندەۋگە شامامەن ون كٷن قاجەت ەكەنٸن اتاپ ٶتتٸ.
