الماتىدا اپاتتى ٷيلەر تۇرعىنداردىڭ 100% كەلٸسٸمٸمەن بۇزىلادى. بۇل تۋرالى 2021-2025 جىلدارعا ارنالعان تۇرعىن ٷي قورىن جاڭارتۋ باعدارلاماسىنىڭ تانىستىرىلىمى بارىسىندا «الماتى» ەلەۋمەتتٸك-كەسٸپكەرلٸك كورپوراتسيياسى» اق باسقارماسىنىڭ تٶراعاسى اسقار بٸلٸسبەكوۆ ايتتى, دەپ حابارلايدى قازاقپارات.
قالادا 1930-1975 جىلدار ارالىعىندا سالىنعان اپاتتى 1427 ەكٸ قاباتتى ٷي بار. توزىعى جەتكەن ٷيلەردٸڭ ەڭ كٶبٸ – تٷركسٸب اۋدانىندا. مۇندا 607 ٷيدٸ قايتا بۇزىپ-سالۋ كٶزدەلگەن.
ەسكٸ ٷيلەردٸڭ نەگٸزگٸ پروبلەمالارى: سەيسميكالىق, ٶرت قاۋپٸ, سونداي-اق ينجەنەرلٸك جەلٸلەردٸڭ جوقتىعى.
«بۇل ٷيلەردٸڭ باسىم بٶلٸگٸ اعاش-قامىستان سالىنعان. كٸرپٸشتەن سالىنعان ٷيلەر - نەگٸزٸنەن قالانىڭ ورتالىعىندا. بٷگٸنگٸ كٷنٸ 708 اپاتتى ٷيدٸ اۋىستىرۋ قاجەت. جەكە ينۆەستيتسييا ارقىلى - 458 ٷي. بٷگٸندە ونىڭ 280-دە جۇمىس جٷرٸپ جاتىر», - دەدٸ اسقار بٸلٸسبەكوۆ.
سونىمەن قاتار, ول توزىعى جەتكەن ٷيلەر تەك تۇرعىنداردىڭ ٶزدەرٸ 100 پايىز كەلٸسٸم بەرگەن جاعدايدا عانا بۇزىلاتىندىعىن باسا ايتتى.
«ەگەر, مىسالى, توزىعى جەتكەن ٷيلەردە تۇراتىن 10 تۇرعىننىڭ 9-ى كەلٸسٸپ, بٸرەۋٸ باس تارتسا, وندا بۇزۋ بولمايدى. مەجبٷرلٸ تٷردە بۇزۋ بولمايدى, ول تەك تۇرعىنداردىڭ 100% كەلٸسٸمٸمەن جٷزەگە اسىرىلادى», - دەپ قوستى سپيكەر.
باعدارلاما تەتٸگٸ بويىنشا ٷي يەسٸنە ۋاقىتشا نەمەسە تۇراقتى نەگٸزدە پەتەر بەرٸلەدٸ. تۇرعىنداردى ٶز اۋداندارىنا ەسكٸ ٷيلەردٸڭ ورنىنا جاڭا ٷي سالىنعان كەزدە ورالا الادى. مەنشٸك يەلەرٸنٸڭ قونىس اۋدارۋى تۇرعىنداردىڭ سانىنا قاراماستان, پەتەرلەردٸڭ تەحنيكالىق پاسپورتتارىنا سەيكەس « بٸر بٶلمەگە, بٸر بٶلمە» پرينتسيپٸ بويىنشا جٷزەگە اسىرىلادى. ەگەر پەتەر يەسٸ شارشى مەتردٸ ۇلعايتقىسى كەلسە اقشاسىن تٶلەيۋٸ كەرەك.
2012-2015 جىلدارعا ارنالعان پيلوتتىق باعدارلاما بويىنشا الماتىدا 56 توزىعى جەتكەن ٷي سٷرٸلٸپ, 63 كٶپپەتەرلٸ تۇرعىن ٷي سالىندى. وسى باعدارلامانىڭ ارقاسىندا 579 وتباسى جاڭا پەتەرگە قونىستاندى.
بۇعان دەيٸن, 2021-2025 جىلدارعا ارنالعان تۇرعىن ٷي قورىن جاڭارتۋ باعدارلاماسى اياسىندا الماتىدا 708 ەسكٸ ٷي بۇزىلىپ, 683 تۇرعىن ٷي سالىناتىنى تۋرالى جازعان بولاتىنبىز.
باعدارلاماداعى ەسكٸ ٷيلەردٸڭ تٸزٸمٸ اپاتتى باسپانا تۇرعىندارىنىڭ اۋداندىق ەكٸمدٸكتەرٸنە جيٸ جٷگٸنۋٸ نەگٸزٸندە قۇرىلدى.
باعدارلامانىڭ وپەراتورى - «الماتى» ەلەۋمەتتٸك-كەسٸپكەرلٸك كورپوراتسيياسى» اق.
باعدارلامادا جٷزەگە اسىرۋ مەحانيزمٸنٸڭ ەكٸ نۇسقاسى قاراستىرىلعان:
- «الماتى» ەكك جەنە جەكە ينۆەستور جٷزەگە اسىراتىن جوبالار;
- مەملەكەتتٸك قارجىلاندىرۋ ارقىلى جٷزەگە اسىرىلاتىن جوبالار.
