الماتى تاۋىنان تابىلعان تۋريست ەلييا قاميەۆا ەلٸ جانساقتاۋ بٶلٸمٸندە جاتىر. بۇل تۋرالى №7 قالالىق كلينيكالىق اۋرۋحانانىڭ باسپاسٶز قىزمەتٸ مەلٸم ەتتٸ, دەپ حابارلايدى "ۇلت اقپارات".
«ناۋقاستىڭ جاعدايى بٸرقالىپتى اۋىر, جانساقتاۋ بٶلٸمٸندە جاتىر. ونىڭ دەنساۋلىعىندا ەشقانداي وڭ ٶزگەرٸس بايقالمايدى. ەسٸن جيدى. سٶيلەي الادى. الايدا ەلٸ دە جاعدايى تۇراقتى اۋىر دەپ باعالانىپ وتىر», - دەپ حابارلادى №7 قالالىق كلينيكالىق اۋرۋحانانىڭ باسپاسٶز قىزمەتٸ.
ەسكە سالايىق, 31 جاستاعى ەلييا قاميەۆا 5 شٸلدەدە ٷيٸنەن شىعىپ كەتٸپ, قايتىپ ورالماعان.
ونىڭ اناسى 7 شٸلدە كٷنٸ قۇتقارۋشىلارعا جٷگٸندٸ. كۋەگەرلەر الماتىلىق قىزدى سوڭعى رەت ٷلكەن الماتى كٶلٸنٸڭ ماڭىنان كٶرگەن.
ٸزدەستٸرۋ-قۇتقارۋ جۇمىسىنا قۇتقارۋشىلاردىڭ ماكسيمالدى كٷش-قۇرالدارى جٸبەرٸلدٸ.
اتاپ ايتار بولساق, وندا رەسپۋبليكالىق جەدەل-قۇتقارۋ جاساعىنىڭ قىزمەتكەرلەرٸ, كينولوگييالىق ەسەپ, «109» قۇتقارۋ قىزمەتٸ, 75 ۆولونتەر بار.
