Almaty taýynan tabylǵan týrist Áliia Qamieva áli jansaqtaý bóliminde jatyr. Bul týraly №7 qalalyq klinikalyq aýrýhananyń baspasóz qyzmeti málim etti, dep habarlaidy "Ult aqparat".
«Naýqastyń jaǵdaiy birqalypty aýyr, jansaqtaý bóliminde jatyr. Onyń densaýlyǵynda eshqandai oń ózgeris baiqalmaidy. Esin jidy. Sóilei alady. Alaida áli de jaǵdaiy turaqty aýyr dep baǵalanyp otyr», - dep habarlady №7 qalalyq klinikalyq aýrýhananyń baspasóz qyzmeti.
Eske salaiyq, 31 jastaǵy Áliia Qamieva 5 shildede úiinen shyǵyp ketip, qaityp oralmaǵan.
Onyń anasy 7 shilde kúni qutqarýshylarǵa júgindi. Kýágerler almatylyq qyzdy sońǵy ret Úlken Almaty kóliniń mańynan kórgen.
Izdestirý-qutqarý jumysyna qutqarýshylardyń maksimaldy kúsh-quraldary jiberildi.
Atap aitar bolsaq, onda respýblikalyq jedel-qutqarý jasaǵynyń qyzmetkerleri, kinologiialyq esep, «109» qutqarý qyzmeti, 75 volonter bar.
