ۆيدەودان الىنعان كادر
الماتىداعى دۋمان شاعىناۋدانىندا 3 مامىردا تاۋدا ورنالاسقان ەسكٸ رەزەرۆۋاردان سۋ اعىپ, ٷيلەردٸ سۋ باستى. بۇل تۋرالى تٶتەنشە جاعدايدىڭ سالدارىن ۆيدەوعا تٷسٸرگەن كۋەگەرلەر حابارلادى, - دەپ حابارلايدى Tengrinews.kz سايتى.
جەرگٸلٸكتٸ تۇرعىنداردىڭ ايتۋىنشا, ولار رەزەرۆۋارلاردا جارىقتار بارىن ەسكەرتكەن. بٸراق ولاردى ەشكٸم تىڭداماعان. ەندٸ سول جارىقتاردان سۋ اعىپ جاتىر.
ۆيدەو اۆتورلارىنىڭ ايتۋىنشا, ەكٸمدٸك ولاردان ٷيلەرٸن تاستاپ, 9-10 كٷنگە باسقا جاققا كٶشۋدٸ سۇراعان. "ەشكٸم ٷيٸنەن كەتكٸسٸ كەلمەيدٸ, ٶيتكەنٸ كەيٸن قايتاتىن جەر بولاتىنىنا كەپٸلدٸك جوق", - دەيدٸ تۇرعىندار.
"دۋمان شاعىناۋدانى, اق جايىق كٶشەسٸ. مۇندا تاۋلى ايماق, شوقى بار. ۇزىندىعى 100 مەتر, تەرەڭدٸگٸ 30 مەتر بولاتىن سۋمەن جابدىقتاۋ رەزەرۆۋارى. ەكٸ رەزەرۆۋار بار. نە قۇبىر تەسٸلگەن, نە سۋدى جاباتىن شٷمەك سىنىپ قالعان. كٶشە بويىمەن سۋ اعىپ جاتىر. قازٸردٸڭ ٶزٸندە ەكٸ ٷيدٸ سۋ باسقان. سۋ توقتاماسا, مىنا شوقى سىرعىپ تٷسەدٸ", - دەيدٸ ۆيدەوداعى كۋەگەرلەردٸڭ بٸرٸ.
