ەلەۋمەتتٸك جەلٸدە تاماق جەتكٸزۋشٸ جٸگٸت پەن ٷي يەسٸنٸڭ اراسىنداعى جانجالدىڭ ۆيدەوسى تارادى. الماتى قالاسىنىڭ پوليتسيياسى وقيعا قاتىستى قىلمىستىق ٸس قوزعادى.
ۆيدەودا موپەد كاسكاسىن كيگەن جٸگٸت پىشاق ۇستاپ, كٸلتتٸ قايتارۋدى تالاپ ەتٸپ جاتىر. ٷيدٸڭ يەسٸ ودان كەتپەنمەن قورعانىپ جٷرگەنٸن بايقاۋعا بولادى. اۋلاعا كٸرەمٸن دەگەندە ونى ارى قاراي يتەرٸپ جٸبەرەدٸ. بٸراق تاماق جەتكٸزۋشٸ جٸگٸت كەتپەندٸ ۇستاپ الادى. پىشاعىن دا سەرمەپ ٷلگەرەدٸ. ارتىنان اۋلاعا كٸرٸپ, كٸلتٸن الىپ كەتكەن.
الماتى قالالىق پوليتسييا دەپارتامەنتٸ بۇل وقيعانىڭ بوستاندىق اۋدانىندا بولعانىن حابارلادى.
قازٸرگٸ كەزدە قىلمىستىق كودەكستٸڭ 293-بابى 3-تارماعى (بۇزاقىلىق, سۋىق قارۋدى قولدانۋعا تىرىسىپ جاسالعان ەرەكەت) بويىنشا سوتقا دەيٸنگٸ تەرگەۋ شارالارى باستالعان.
"وسى قىلمىستى جاسادى دەگەن كٷدٸكپەن 1992 جىلى تۋعان ەر ادام ۇستالدى. پىشاق تەركٸلەنٸپ, قىلمىستىق ٸس ماتەريالدارىنا تٸركەلدٸ. وقيعانىڭ مەن-جايى انىقتالىپ جاتىر", - دەيدٸ پوليتسەيلەر.
ايتا كەتەرٸ, بۇل قىلمىس ٷشٸن ٷش جىلدان جەتi جىلعا دەيiنگi مەرزiمگە باس بوستاندىعىن شەكتەۋ نە سول مەرزiمگە باس بوستاندىعىنان ايىرۋ جازاسى قاراستىرىلعان.
