فوتو: ktk.kz
الماتىدا سۋرروگات انا قىتايدان كەلگەن ەرلٸ-زايىپتىدان ٶز قىزمەتٸ ٷشٸن ۋەدە ەتٸلگەن اقشاسىن الا الماي وتىر. ايتۋىنشا, تاپسىرىس بەرگەن تاراپ شالا تۋعان بالادان باس تارتىپ كەتكەن. ەيەل بۇل جاعداي بويىنشا پوليتسيياعا جٷگٸنگەن, دەپ حابارلايدى Ult.kz كتك تەلەارناسىنا سٸلتەمە جاساپ.
27 جاستاعى كريستينا گاۆريليۋك قارجىلىق سەبەپپەن سۋرروگات انا بولۋعا كەلٸسٸم بەرگەن. كەلٸسٸم بويىنشا وعان 7,5 ميلليون تەڭگە سىياقى تٶلەنۋٸ تيٸس بولعان. ەمبريون الماتىداعى كلينيكالاردىڭ بٸرٸندە سالىنعان.
جٷكتٸلٸك كەزٸندە بولاشاق اتا-انا كەلٸسٸلگەن تٶلەمدەردٸ ۋاقىتىلى بەرٸپ, اي سايىن شامامەن 200 مىڭ تەڭگە تٶلەپ وتىرعان. الايدا جٷكتٸلٸك اسقىنعاندىقتان, كريستينا جەتٸنشٸ ايدا مەرزٸمٸنەن بۇرىن بوسانعان. وسىدان كەيٸن كليەنتتەر شالا تۋعان ۇلدى الۋدان باس تارتقان.
سۋرروگات انانىڭ ايتۋىنشا, كەسار تٸلٸگٸنەن كەيٸن سەبيدٸ بٸردەن الىپ كەتكەن. بٸراز ۋاقىتتان سوڭ مەديتسينا قىزمەتكەرٸ بالانىڭ قايتادان ٶزٸنە تاپسىرىلعانىن ايتقان. بۇعان دەيٸن بيولوگييالىق اتا-انا بالانىڭ دەنساۋلىعىن تەكسەرۋ ٷشٸن تٷرلٸ اناليزدەر مەن دنق-تەست جٷرگٸزۋدٸ تالاپ ەتكەن. تەكسەرۋ نەتيجەلەرٸ بالانىڭ ولاردىڭ بيولوگييالىق ۇلى ەكەنٸن راستاعان.
الايدا وسىدان كەيٸن تاپسىرىس بەرۋشٸلەر بايلانىسقا شىقپاي قويعان. كەيٸنٸرەك كۋراتور ارقىلى بالانى الىپ كەتۋدەن باس تارتاتىنىن جەتكٸزگەن.
كريستينا گاۆريليۋك دٷكەندە ساتۋشى بولىپ جۇمىس ٸستەيدٸ, ونىڭ التى جاستاعى قىزى بار. بۇعان دەيٸن ول ەكٸ رەت سۋرروگات انا بولىپ, ەكٸ جاعدايدا دا كەلٸسٸم سەتتٸ اياقتالعان. ال ٷشٸنشٸ رەت ۋەدە ەتٸلگەن سىياقىنى الا الماعان.
ەيەل بٶتەن بالانى تەربيەلەۋگە دايىن ەمەس ەكەنٸن ايتىپ, بوسانعاننان كەيٸن نەرەستەدەن باس تارتۋ تۋرالى ٶتٸنٸش جازعان.
بيولوگييالىق اتا-انالار تۋرالى اقپارات از. ولار قىتاي ازاماتتارى ەكەنٸ بەلگٸلٸ. قازٸرگٸ ۋاقىتتا ولاردىڭ قايدا جٷرگەنٸ بەلگٸسٸز. ال پروتسەدۋرا جٷرگٸزٸلگەن كلينيكا بۇل جاعدايعا قاتىستى تٷسٸنٸكتەمە بەرۋدەن باس تارتقان.
الماتى قالالىق پوليتسييا دەپارتامەنتٸنٸڭ رەسمي ٶكٸلٸ سالتانات ەزٸربەكتٸڭ ايتۋىنشا, تەكسەرٸس نەتيجەسٸندە قىلمىستىق نەمەسە ەكٸمشٸلٸك قۇقىقبۇزۋشىلىق بەلگٸلەرٸ انىقتالماعان.
وسىعان بايلانىستى قىلمىستىق ٸس قوزعاۋدان باس تارتىلىپ, مەسەلەنٸ ازاماتتىق-قۇقىقتىق تەرتٸپپەن سوت ارقىلى شەشۋ ۇسىنىلعان.
قازاقستاندا سۋرروگات انا بولۋ زاڭمەن رۇقسات ەتٸلگەن. بۇل قاتىناستار «نەكە جەنە وتباسى تۋرالى» زاڭمەن رەتتەلەدٸ. زاڭعا سەيكەس, سۋرروگات انانىڭ مەديتسينالىق كٶمەك الۋعا, دەنساۋلىعىن قورعاۋعا جەنە كەلٸسٸلگەن سىياقىنى الۋعا قۇقىعى بار.
قۇقىق قورعاۋشىلاردىڭ ايتۋىنشا, ەيەل سوتقا جٷگٸنٸپ, ٶز قۇقىعىن قورعاۋعا تىرىسۋى كەرەك. ال بيولوگييالىق اتا-انا شەتەل ازاماتتارى بولعاندىقتان, قىتاي ەلشٸلٸگٸ مەن سىرتقى ٸستەر مينيسترلٸگٸنە جٷگٸنۋ ۇسىنىلعان.
زاڭگەر عابيت ٶمٸربەكوۆتٸڭ پٸكٸرٸنشە, بيولوگييالىق اتا-اناعا قاتىستى اتا-انالىق مٸندەتتەرٸن ورىنداماۋ دەرەگٸ بويىنشا قىلمىستىق ٸس قوزعاۋ مەسەلەسٸن قاراستىرۋعا بولادى.
قازٸر جاڭا تۋعان سەبي بالالار ٷيٸندە. دەرٸگەرلەر ونىڭ جاعدايىن تۇراقتى دەپ باعالاپ وتىر. نەرەستە سالماق قوسىپ كەلەدٸ. بالا اتا-اناسى باس تارتقان بالالار ساناتىنا جاتقىزىلىپ, ونىڭ تاعدىرىنا قاتىستى جاۋاپكەرشٸلٸكتٸ مەملەكەت ٶز موينىنا العان.
