الماتى ەكٸمٸ باقىتجان ساعىنتاەۆ قالادا كوروناۆيرۋستىڭ ٷندٸ شتامىنىڭ تٸركەلۋٸمەن شەكتەۋ شارالارى كٷشەيتٸلەتٸنٸن ايتتى, دەپ حابارلايدى "ۇلت اقپارات".
«لوكداۋن بولا قويمايتىن شىعار. بٸراق شەكتەۋ شارالارى مٸندەتتٸ تٷردە قابىلدانادى. قالالىق دەپارتامەنت قازٸر قاۋلى جوباسىن دايىنداپ جاتىر. سانيتارييالىق-ەپيدەميولوگييالىق قىزمەت كوميتەتٸنٸڭ شەشٸمٸن كٷتٸپ وتىرمىز. كوميتەتتٸڭ قاۋلىسى شىققاننان كەيٸن قالالىق دەپارتامەنتتٸڭ قاۋلىسى دا جارييالانادى. ٸندەت جىلدام تاراپ جاتقانىن كٶرٸپ وتىرمىز. سوندىقتان بەرٸ تٷسٸنٸستٸكپەن قارايدى دەپ ويلايمىن. بۇل جەردە بٸرٸنشٸ كەزەكتە ۆاكتسينالاۋدى كٷشەيتۋ كەرەك. باسقا امالى جوق. الماتىلىقتاردى, بٷكٸل قازاقستاندىقتاردى ەكپەنٸ بەلسەندٸ الۋعا شاقىرامىز», - دەدٸ باقىتجان ساعىنتاەۆ ورتالىق كوممۋنيكاتسييالار قىزمەتٸندە.
بۇعان دەيٸن ساعىنتاەۆ قالا جاقىن كٷندەرٸ قايتادان «قىزىل» ايماققا ٶتۋٸ مٷمكٸن ەكەنٸن ايتقان بولاتىن.
«جوسپارلى تٷردە قابىلداناتىن ناۋقاستاردى قابىلداۋ قازٸر توقتاتىلدى. بٸر اپتا بويىندا باقىلايمىز. ەگەر وسىلاي جالعاسا بەرەتٸن بولسا, وندا بٸزدٸڭ جوبامىز بويىنشا قازٸر «سارى» ايماقتا تۇرساق, قىزىل ايماققا ٶتۋ قاۋپٸمٸز بار. ٷندٸستاندىق شتامم سوعان الىپ كەلە جاتىر», - دەدٸ باقىتجان ساعىنتاەۆ.
