Almaty ákimi Baqytjan Saǵyntaev qalada koronavirýstyń úndi shtamynyń tirkelýimen shekteý sharalary kúsheitiletinin aitty, dep habarlaidy "Ult aqparat".
«Lokdaýn bola qoimaityn shyǵar. Biraq shekteý sharalary mindetti túrde qabyldanady. Qalalyq departament qazir qaýly jobasyn daiyndap jatyr. Sanitariialyq-epidemiologiialyq qyzmet komitetiniń sheshimin kútip otyrmyz. Komitettiń qaýlysy shyqqannan keiin qalalyq departamenttiń qaýlysy da jariialanady. Indet jyldam tarap jatqanyn kórip otyrmyz. Sondyqtan bári túsinistikpen qaraidy dep oilaimyn. Bul jerde birinshi kezekte vaktsinalaýdy kúsheitý kerek. Basqa amaly joq. Almatylyqtardy, búkil qazaqstandyqtardy ekpeni belsendi alýǵa shaqyramyz», - dedi Baqytjan Saǵyntaev Ortalyq kommýnikatsiialar qyzmetinde.
Buǵan deiin Saǵyntaev qala jaqyn kúnderi qaitadan «qyzyl» aimaqqa ótýi múmkin ekenin aitqan bolatyn.
«Josparly túrde qabyldanatyn naýqastardy qabyldaý qazir toqtatyldy. Bir apta boiynda baqylaimyz. Eger osylai jalǵasa beretin bolsa, onda bizdiń jobamyz boiynsha qazir «sary» aimaqta tursaq, qyzyl aimaqqa ótý qaýpimiz bar. Úndistandyq shtamm soǵan alyp kele jatyr», - dedi Baqytjan Saǵyntaev.
