29 مامىردا الماتىدا شارىن شاتقالىندا نٶسەر جاۋىن سالدارىنان بولعان سۋ تاسقىنى كەزٸندە امان قالعان 11 جاسار زەرە مەن ونىڭ اتا-اناسى تٶتەنشە جاعدايلار مينيسترٸ يۋريي يليننٸڭ العىس حاتىمەن ماراپاتتالدى, دەپ حابارلايدى "ۇلت اقپارات" قر تجم باسپاسٶز قىزمەتٸنە سٸلتەمە جاساپ.
مەلٸمەتكە ساي, بٷگٸن قىز بالا اۋرۋحانادان شىقتى.
العىس حاتتى مينيستردٸڭ اتىنان الماتى قالاسى تج دەپارتامەنتٸنٸڭ باستىعى تابىس ەتٸپ, زەرەنٸڭ اتا-اناسى — ۇلان بيسەمبايۇلى مەن جانييا شىمىربەكقىزىنا باتىل, ەرجٷرەك قىز تەربيەلەگەنٸ ٷشٸن, ال كٸشكەنتاي زەرەگە تٶتەنشە جاعدايلاردا تٶزٸمدٸلٸك, قايسارلىق جەنە ٶمٸر سٷرۋ ەدٸستەرٸن دۇرىس قولدانعانى ٷشٸن العىس ايتتى.
مينيستردٸڭ حاتىندا «الماتى قالاسىنداعى №199 گيمنازيياسىنىڭ وقۋشىسى بيسەمباي زەرە ۇلانقىزى تابيعي اپات سالدارىنان قاۋٸپتٸ جاعدايعا تاپ بولىپ, ورىن العان جاعدايلاردى بايىپپەن سابىرلى باعالاپ, ٶمٸر سٷرۋدٸڭ پراكتيكالىق داعدىلارىن قولدانا بٸلدٸ. بۇل جاعداي ەلٸمٸزدٸڭ ازاماتتارى ٷشٸن ٶمٸر قاۋٸپسٸزدٸگٸن قامتاماسىز ەتۋ داعدىلارىن يگەرۋ جەنە باتىلدىق, بايسالدىلىق جەنە كٷيزەلٸسكە قارسى تۇرۋ سيياقتى تۇلعالىق قاسيەتتەردٸ تەربيەلەۋدە ٷلگٸ بولىپ تابىلادى», - دەپ جازىلعان.
