الماتى قالاسى سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى سەدۋاقاس بايعابىلوۆ ونلاين بريفينگ بارىسىندا قازاقستاندىق جۇلدىزدار قاتىسقان تويدىڭ ۆيدەوسىنا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
ۆيدەو كادرلارىنان مەرەكە جاس جۇپتىڭ ٷيلەنۋ تويىنا ارنالعانىن كٶرۋگە بولادى. ٸس-شاراعا قاتىسۋشىلار اراسىندا روزا رىمباەۆا, سەكەن مايعازيەۆ, ايدانا مەدەنوۆا بولعان. تويدا سەكەن مايعازيەۆ «سەۋٸردەن باستاپ تەۋٸر كٷندەرٸمٸز باستالا بەرسٸنشٸ» دەگەن تٸلەك ايتادى.
«بۇل ۆيدەونى تەكسەردٸك. كارانتين تالابىن بۇزۋ دەرەگٸ انىقتالدى. بەينەجازبا زەرتتەلۋدە, سودان كەيٸن ماتەريالعا زاڭ تۇرعىسىندا باعا بەرٸلەدٸ. بۇل ادامداردى بەرٸمٸز بٸلەمٸز, تانيمىز. ولاردىڭ كٶپشٸلٸگٸ الماتىدا تۇرادى. ەگەر بۇزۋشىلىق راستالسا, شاراعا قاتىسۋشىلار ەكٸمشٸلٸك جاۋاپكەرشٸلٸككە تارتىلادى», - دەدٸ سەدۋاقاس بايعابىلوۆ.
ايتا كەتەيٸك, الماتىدا جىل باسىنان بەرٸ كارانتين شارالارىن بۇزۋشى 3 مىڭنان استام ادامعا 200 ميلليون تەڭگەدەن استام سوماعا ايىپپۇل سالىندى.
جىل باسىنان بەرٸ 13 500-دەن استام نىسان تەكسەرٸلدٸ, 1 573 ەرەجە بۇزۋشىلىق انىقتالدى. كارانتيندٸ بۇزعاندارعا قاتىستى 3018 حاتتاما تولتىرىلدى, ايىپپۇلدىڭ جالپى سوماسى 202 ميلليون تەڭگەدەن اسادى.
ايتا كەتەيٸك, مونيتورينگتٸك توپتاردىڭ قۇرامىنا جەرگٸلٸكتٸ پوليتسييا قىزمەتٸنٸڭ ٶكٸلدەرٸ كٸرەدٸ, ولار باسقا دا زاڭ بۇزۋشىلىقتار ٷشٸن حاتتامالار تولتىرۋعا قۇقىلى.
مونيتورينگ توپتارى دەمالىسسىز جەنە مەرەكە كٷندەرٸ دە جۇمىس ٸستەيدٸ.
بايعابىلوۆتىڭ ايتۋىنشا, كارانتين شارالارىن بۇزۋ فاكتٸلەرٸ قوعامدىق تاماقتانۋ ورىندارى مەن دٷكەندەردە جيٸ تٸركەلەدٸ.
