الماتىدا حالىق ەرتٸسٸ روزا باعلانوۆانىڭ ەسكەرتكٸشٸ اشىلدى, دەپ حابارلايدى "ۇلت اقپارات" ەكٸمدٸكتٸڭ باسپاسٶز قىزمەتٸنە سٸلتەمە جاساپ.
قازاقستان رەسپۋبليكاسىنىڭ حالىق ەرتٸسٸ روزا باعلانوۆانىڭ 100 جىلدىق مەرەيتويىن مەرەكەلەۋ اياسىندا الماتى قالاسىنىڭ ەكٸمٸ ەربولات دوساەۆتىڭ, قازاقستاننىڭ ەڭبەك ەرٸ, تەاتر جەنە كينو اكتەرٸ اسانەلٸ ەشٸموۆتىڭ, قازاقستاننىڭ ەڭبەك ەرٸ ەلٸبەك دٸنٸشەۆتٸڭ, قازاقستاننىڭ حالىق ەرتٸسٸ التىنبەك قورازباەۆتىڭ, مەدەنيەت قايراتكەرٸ قۋانىش ەبدٸقالىموۆتىڭ, اقىن اققۇشتاپ باقتىگەرەەۆانىڭ, ەنشٸنٸڭ تۋعاندارى مەن جاقىندارى – ۇلى تەجەن مەن كەلٸنٸ مارال باعلانوۆتاردىڭ قاتىسۋىمەن ەيگٸلٸ ەنشٸ ەسكەرتكٸشٸنٸڭ سالتاناتتى اشىلۋ رەسٸمٸ ٶتتٸ.
بيٸكتٸگٸ 4,8 مەتر قولا ەسكەرتكٸش مەدەۋ اۋدانىنداعى جامبىل اتىنداعى قازاق مەملەكەتتٸك فيلارمونيياسى عيماراتىنىڭ الدىنا ورناتىلدى. وپەرا ەنشٸسٸ 1949-1960 جىلدار ارالىعىندا وسى فيلارمونييا قابىرعاسىندا ٶنەر كٶرسەتكەن ەدٸ.
قولا جەنە گرانيتتەن جاسالعان ەسكەرتكٸشتٸڭ اۆتورلارى – مٷسٸنشٸلەر د.اعزاموۆ, ۋ.اقجولتاي, ا.جامحان, ا.قابىل.
ەسكەرتكٸشتٸ اشۋ رەسٸمٸ بارىسىندا الماتى قالاسىنىڭ ەكٸمٸ ەربولات دوساەۆ روزا باعلانوۆانىڭ قازاق حالىق مۋزىكاسى مەن قازاقستان كومپوزيتورلارىنىڭ شىعارماشىلىعىن دامىتۋعا جەنە ناسيحاتتاۋعا قوسقان باعا جەتپەس زور ٷلەسٸن اتاپ ٶتتٸ.
«بٸزدٸڭ ۇلى ەنشٸمٸز روزا باعلانوۆاعا ەسكەرتكٸش ورناتۋ – ونىڭ مۇراسىن قۇرمەتتەۋ جەنە ەستە ساقتاۋ. ول مۋزىكا ٶنەرٸنٸڭ شىرقاۋ بيٸگٸندەگٸ جارىق جۇلدىز بولدى. ونىڭ ەرەكشە داۋىسى مەن تالانتى بٸزدٸڭ حالقىمىزدىڭ باعا جەتپەس قۇندىلىعىنا اينالدى. ەنشٸنٸڭ سٷيٸكتٸ قالاسى – الماتىدا 100 جىلدىق مەرەيتوي اياسىندا روزا باعلانوۆانىڭ ەسٸمٸن مەڭگٸ ەستە قالدىرۋ ٷشٸن ەسكەرتكٸش ورناتقانىمىزعا شەكسٸز قۋانىشتىمىن», – دەدٸ ەربولات دوساەۆ.
سونداي-اق, بٷگٸن الماتىدا روزا باعلانوۆانىڭ 100 جىلدىعىنا وراي رەسپۋبليكا سارايىندا «اقماڭدايلىم» اتتى مەرەكەلٸك كونتسەرت ٶتتٸ. اتى اڭىزعا اينالعان ەنشٸنٸڭ رەپەرتۋارىنداعى ەندەردٸ تانىمال قازاقستاندىق ەرتٸستەر ورىندادى.
