مەگاپوليستە كوروناۆيرۋستى انىقتايتىن پتر-تەستٸلەۋدٸڭ تاعى ەكٸ جەكەمەنشٸك زەرتحاناسى اشىلادى. ونىڭ بٸرٸ ەرتەڭنەن باستاپ جۇمىسقا كٸرٸسەدٸ. بۇل تۋرالى باقىتجان ساعىنتاەۆ مەلٸم ەتتٸ, دەپ حابارلايدى قازاقپارات.
«وسىدان 10 كٷن بۇرىن جەكە زەرتحانالاردا رەاگەنتتەر بٸتٸپ قالۋىنا بايلانىستى قيىندىق تۋىندادى. ونىڭ سەبەبٸ تٷسٸنٸكتٸ, تەست تاپسىرعىسى كەلەتٸن ادامداردىڭ سانى ارتتى. سونىمەن قاتار, ۇلتتىق ساراپتاما ورتالىعى فيليالىنىڭ زەرتحاناسىندا 30-عا جۋىق قىزمەتكەردەن كوروناۆيرۋس انىقتالدى. سول سەبەپتٸ جۇمىستى توقتاتا تۇرۋعا مەجبٷر بولدىق. قازٸر بارلىق زەرتحانالار تولىعىمەن جۇمىس ٸستەپ تۇر», - دەدٸ ەكٸم.
سونىمەن قاتار, ول تاعى ەكٸ زەرتحانا اشىلاتىنىن ايتتى.
«ەرتەڭنەن باستاپ الماتى قالالىق جەدەل شۇعىل كٶمەك كٶرسەتۋ اۋرۋحاناسىنىڭ جانىنان جەكە زەرتحانا اشىلادى. سونداي-اق, جاقىن ارادا جەكەمەنشٸك كلينيكالاردىڭ بٸرٸندە تاعى بٸر زەرتحانا اشىلاتىن بولادى. بٸز حالىقتىڭ تەستٸلەۋ دەڭگەيٸن ٶزٸمٸز قويعان مٸندەتتەرگە جەتكٸزەمٸز», - دەدٸ باقىتجان ساعىنتاەۆ.
قالا باسشىسىنىڭ ايتۋىنشا, بٷگٸنگٸ تاڭدا 300 مىڭعا جۋىق تەست جٷرگٸزٸلدٸ. ونىڭ 245 مىڭى پتر تەستٸ.
