الماتىدا جەڭٸل كٶلٸك جاياۋ جٷرگٸنشٸنٸ قاعىپ, مەرت قىلدى, دەپ حابارلايدى "ۇلت اقپارات". قايعىلى وقيعا 14 ماۋسىم تاڭعى 7:00 شاماسىندا بولعان.
الاتاۋ اۋدانىندا «حيۋنداي ەلانترا» ماركالى قىزمەتتٸك كٶلٸگٸنٸڭ جٷرگٸزۋشٸسٸ ٶتەمٸسۇلى كٶشەسٸمەن جٷرٸپ كەلە جاتىپ, مانەۆر جاساعان كٶلٸكتەن قاشامىن دەپ جاياۋ جٷرگٸنشٸنٸ قاعىپ كەتتٸ.
«حيۋنداي ەلانترا» كٶلٸگٸنٸڭ جٷرگٸزۋشٸ ٶتەمٸسۇلى كٶشەسٸنٸڭ وڭتٷستٸك باعىتىندا كەلە جاتىپ, كەنەتتەن مانەۆر جاساي باستاعان كٶلٸكپەن سوقتىعىسۋدى بولدىرماۋ ٷشٸن اۆتوكٶلٸك جۋۋ ورنىنىڭ شىعىس جاعىنا قاراي شىعىپ كەتتٸ, سول جەردە جاياۋ جٷرگٸنشٸ - س. ەسٸمدٸ ازاماتتى قاعىپ كەتتٸ. سونداي-اق «گازەل» اۆتوكٶلٸگٸنە سوقتىعىستى.
«جول-كٶلٸك وقيعاسى سالدارىنان جاياۋ جٷرگٸنشٸ كٶز جۇمدى. اتالعان فاكت سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە قر قك-نٸڭ 345 بابى, 3 بٶلٸمٸ بويىنشا تٸركەلدٸ. قىلمىستىق ٸستٸ الماتى قالالىق پد انىقتاۋ باسقارماسى جٷرگٸزۋدە. جٷرگٸزۋشٸگە قاتىستى تەرگەۋ امالدارى جٷرگٸزٸلۋدە», - دەپ حابارلادى الماتى قالالىق پوليتسييا دەپارتامەنتٸنٸڭ باسپاسٶز قىزمەتٸ.
