Almatyda jeńil kólik jaiaý júrginshini qaǵyp, mert qyldy, dep habarlaidy "Ult aqparat". Qaiǵyly oqiǵa 14 maýsym tańǵy 7:00 shamasynda bolǵan.
Alataý aýdanynda «Hiýndai elantra» markaly qyzmettik kóliginiń júrgizýshisi Ótemisuly kóshesimen júrip kele jatyp, manevr jasaǵan kólikten qashamyn dep jaiaý júrginshini qaǵyp ketti.
«Hiýndai elantra» kóliginiń júrgizýshi Ótemisuly kóshesiniń ońtústik baǵytynda kele jatyp, kenetten manevr jasai bastaǵan kólikpen soqtyǵysýdy boldyrmaý úshin avtokólik jýý ornynyń shyǵys jaǵyna qarai shyǵyp ketti, sol jerde jaiaý júrginshi - S. esimdi azamatty qaǵyp ketti. Sondai-aq «Gazel» avtokóligine soqtyǵysty.
«Jol-kólik oqiǵasy saldarynan jaiaý júrginshi kóz jumdy. Atalǵan fakt sotqa deiingi tergeýdiń biryńǵai tizilimine QR QK-niń 345 baby, 3 bólimi boiynsha tirkeldi. Qylmystyq isti Almaty qalalyq PD anyqtaý basqarmasy júrgizýde. Júrgizýshige qatysty tergeý amaldary júrgizilýde», - dep habarlady Almaty qalalyq Politsiia departamentiniń baspasóz qyzmeti.
