الماتىدا بارلىق ۆاكتسينا پۋنكتٸندە Pfizer ۆاكتسيناسىن ساقتاۋعا ارنالعان جابدىقتار بار. بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ باسشىسى ناريمان تابىنباەۆ ايتتى, دەپ حابارلايدى قازاقپارات.
«الماتىدا كوروناۆيرۋسقا قارسى Pfizer ۆاكتسيناسى قالاداعى بارلىق ۆاكتسينا پۋنكتٸنە جەتكٸزٸلەدٸ. كەشە Pfizer ۆاكتسيناسىن قولدانۋ بويىنشا ناقتى اقپارات الدىق. قازٸر بٸزدە 137 ۆاكتسينا پۋنكتٸ جۇمىس ٸستەپ تۇر, سول جەردٸڭ بارلىعىندا Pfizer ۆاكتسيناسىن سالدىرۋعا بولادى. بۇل ۆاكتسينانى بٸرٸنشٸ كەزەڭدە سالدىرا الاتىن ٷكٸمەت بەكٸتكەن ادامداردىڭ ٷش توبى بار ەكەنٸن بٸلەمٸز. ولار: 12-18 جاسقا دەيٸنگٸ بالالار, جٷكتٸ ەيەلدەر جەنە ەمشەكتەگٸ بالاسى بار ەيەلدەر. الماتى بويىنشا قازٸر ۆاكتسينانى مامانداردى ٷيگە نەمەسە مەكتەپكە شاقىرىپ سالدىرۋعا بولادى», - دەدٸ باسقارما باسشىسى.
ونىڭ ايتۋىنشا, قازٸر قالادا ۆاكتسينا سالدىرۋعا جاتاتىن 176 600 بالا مەن ەمشەكتەگٸ بالاسى بار 67 مىڭ ەيەل جەنە 20,5 مىڭ جٷكتٸ كەلٸنشەك بار.
«بٸزدە وسىنداي تٸزٸم بار, الايدا ۆاكتسينا ادامداردىڭ ٶز ەركٸ بويىنشا سالىنادى. سونداي-اق اتا-انالاردىڭ رۇقساتى بولۋى كەرەك. دەل قازٸر قانشا ادامنىڭ قاي ۆاكتسينا پۋنكتٸندە ۆاكتسينا سالدىراتىنىن, مامانداردىڭ قاي مەكتەپكە بارىپ ۆاكتسينا سالاتىنىن بٸلمەيمٸز. بۇل نيەت بٸلدٸرگەن ادامدارعا بايلانىستى بەلگٸلٸ بولادى», - دەدٸ ول.
مەگاپوليستە ورنالاسقان بارلىق ۆاكتسينا پۋنكتٸندە Pfizer ۆاكتسيناسىن ساقتاۋعا ارنالعان جابدىقتار بار.
