الماتىلىق دەرٸگەرلەرگە Pfizer كومپانيياسىنىڭ Comirnaty پرەپاراتىمەن اقىلى تٷردە ۆاكتسينالاۋ قاشان باستالاتىنى تۋرالى سۇراق قويىلدى. بۇل سۇراققا الماتى قالاسى قوعامدىق دەنساۋلىق باسقارما باسشىسىنىڭ ورىنباسارى لاۋرا مىرزاعالي جاۋاپ بەردٸ, - دەپ حابارلايدى Tengrinews.kz تٸلشٸسٸ.
بۇعان دەيٸن الماتىدا Pfizer پرەپاراتىن اقىلى نەگٸزدە الۋعا تٸركەلۋ باستالعانى حابارلانعان بولاتىن. بريفينگتە جۋرناليستەر ناقتى ۋاقىتتى سۇرادى. قوعامدىق دەنساۋلىق باسقارماسى جاۋابىنا سٷيەنسەك, ناقتى ۋاقىتى مەن باعاسى ەلٸ بەلگٸسٸز.
"بۇعان دەيٸن دەنساۋلىق ساقتاۋ مينيسترلٸگٸنەن بارلىق ٶڭٸرگە قۇجات جولداندى, وندا دەپارتامەنت اقىلى نەگٸزدە Pfizer ۆاكتسيناسىن سالدىرۋدى قالايتىن قازاقستاندىقتاردىڭ سانىن انىقتاۋ سۇرالعان. الماتىدا وسى ۋاقىتقا دەيٸن 3279 ادام ٶتٸنٸش بٸلدٸردٸ. الايدا Pfizer ارقىلى اقىلى ەكپە قاشان باستالاتىنى ەزٸرگە بەلگٸسٸز. بٸر دوزانىڭ باعاسى دا بەلگٸسٸز", - دەدٸ مىرزاعالي.
