28 اقپاندا الماتى قالاسىندا Mountain Ski Resort Oi-Qaragai Lesnaya Skazka كۋرورتىندا فريستايلدان FIS ەلەم كۋبوگىنىڭ كەزەڭدەرٸ باستالادى, دەپ حابارلايدى "ۇلت اقپارات".
بٷگٸن ۇيىمداستىرۋشىلار الماتىدا باسپاسٶز مەسليحاتىن ٶتكٸزدٸ. ولار دٷبٸرلٸ دوداعا قالاي دايىندالىپ جاتقانى تۋرالى ايتتى. دٷنيەنٸڭ ەر تٷكپٸرٸنەن كٸل مىقتى سپورتشىلاردىڭ باسىن بٸرٸكتٸرەتٸن جارىسقا ەلەمدە تارالىپ جاتقان كوروناۆيرۋس قالاي ەسەر ەتەتٸندٸگٸن تٷسٸندٸردٸ.
فريستايلدىڭ موگۋل جەنە شاڭعى اكروباتيكاسى تٷرلەرٸنەن سايىسقا 17 ەلدەن سپورتشىلار كەلەدٸ. كٶرەرمەندەر ەۋروپا, ازييا, اقش, كانادا, رەسەي ارنالارى ارقىلى تٸكەلەي تاماشالاي الادى.
قر شاڭعى سپورتى قاۋىمداستىعىنىڭ باس حاتشىسى اسقار ۋەليەۆتٸڭ ايتۋىنشا, كوروناۆيرۋسقا بايلانىستى شەتەلدٸك سپورتشىلاردىڭ قازاقستانعا كٸرۋٸنە قاتىستى ازداعان كەدەرگٸلەر بولعانىمەن, قازٸر قاۋٸپتەنەتٸن سەبەپ جوق.
«شاڭعى اكروباتيكاسىنا قاتىساتىن مينسك, كيەۆ, ىستانبۇل قالالارىنان كەلگەن سپورتشىلار سوڭعى 2 ايدا قىتاي اۋماعىندا بولماعان. بٸز ولاردىڭ تٶلقۇجاتتارىن الدىن الا تەكسەردٸك. بارلىق كوماندا امان-ەسەن كەلدٸ. ەۋەجايدا قر دسم تالاپتارىنا ساي تەكسەرۋدەن ٶتتٸ. قازٸر ولاردىڭ بارلىعى قوناق ٷيلەرگە ورنالاستى. دايىندىقتى باستاپ كەتتٸ», - دەدٸ اسقار ۋەليەۆ.
حالىقارالىق شاڭعى سپورتى تٷرلەرٸ فەدەراتسيياسىنىڭ (FIS) فريستايلدان ەلەم كۋبوگىنىڭ ديرەكتورى دجو فيتتسجەرالد اتالعان ٸندەتكە بايلانىستى قىتايدان شەكتەۋلٸ كوماندا كەلگەنٸن ايتتى. ونىڭ ٸشٸندە قىتاي تەرريتوريياسىندا سوڭعى 2 ايدا بولماعان تەك موگۋل سپورتى ٶكٸلدەرٸ عانا كەلگەن.
شاڭعى اكروباتيكاسى بويىنشا قىتاي كومانداسى سايىسقا قاتىسپايدى.
«قىتايدا ۇلتتىق سايىس بولمايتىن بولعان سوڭ قىتاي كومانداسى بەلارۋس ەلٸنٸڭ مينسك قالاسىندا جاتتىعىپ جاتىر. ولار كراسنويارسك قالاسىندا ەكٸ اپتادان سوڭ ٶتەتٸن ەلەم كۋبوگىنىڭ اقتىق سىنىندا شىعاتىن بولادى», - دەدٸ دجو فيتتسجەرالد.
ۇيىمداستىرۋشىلاردىڭ ايتۋىنشا, قىس جىلى بولعانمەن الماتىدا شاڭعى جولدارى سايىسقا دايىن.
بۇل سايىستاردا قازاقستاننىڭ نامىسىن وليمپيادا ويىندارىنىڭ قولا جٷلدەگەرلەرٸ مەن ەلەم كۋبوگى كەزەڭدەرٸنٸڭ جەڭٸمپازدارى يۋلييا گالىشەۆا, دميتريي رەيحەرد, پاۆەل كولماكوۆ, اياۋلىم ەمٸرەنوۆا, سەرگەي رومانوۆ, جانبوتا الدابەرگەنوۆا, اقمارجان قالمىرزاەۆا قورعايتىن بولادى.
فريستايلدان ەلەم كۋبوگىنىڭ كەزەڭدەرٸ 1980 جىلدان بەرٸ جىل سايىن ٶتٸپ كەلەدٸ.
