11 جەلتوقسان كٷنٸ الماتىدا ٶتەتٸن بوكس كەشٸندە قازاقستاندىق بوكسشىلار بٸردەن التى تيتۋلدى ايقاس ٶتكٸزەدٸ, دەپ حابارلايدى قازاقپارات.
كەشتٸڭ باستى جەكپە-جەگٸندە قامشىبەك قوڭقاباەۆ (3-0, 3كو) بريتاندىق ستيۆەن ۋوردپەن (13-1, 4كو) بٸرٸنشٸ اۋىر سالماقتاعى بوس WBA Gold چەمپيوندىق تيتۋلى ٷشٸن ايقاسادى. كەشتٸڭ تاعى بٸر ماڭىزدى ايقاسىندا سۇلتان زاۋىربەك (11-0, 7كو) WBO European چەمپيوندىق بەلدٸگٸ ٷشٸن جۇدىرىقتاسادى. ول بريتاندىق رايان ۋيلەرمەن (16-1-1, 0كو) ايقاسادى. تالعات شايكەن (6-0, 4كو) ۋكراينالىق ۆلاديمير گورديەنكومەن (9-3, 4كو) كەزدەسەدٸ – ولار جارتىلاي ورتا سالماقتاعى WBC «جاستار» بەلدٸگٸ ٷشٸن ايقاسادى.
باستى كارد الدىندا ەدٸل قوجامبەرديەۆ (10-2, 10كو) تٷرٸك حامزا گيۋنەشپەن (6-0, 4كو) جەكپە-جەككە شىعىپ, كرۋزەرۆەيتتەگٸ UBO Inter-Continental بەلدٸگٸ ٷشٸن تالاسادى. سونىمەن قاتار قازاقستاننىڭ كەسٸبي بوكس كوميسسيياسى چەمپيونى بەلدٸگٸ ٷشٸن قازاقستاندىقتار اراسىندا ەكٸ تيتۋلدىق جەكپە-جەك ٶتەدٸ: الدييار امانجولوۆ (2-1, 1كو) - بەكتاس قاسەناي (7-1, 2كو), دٸلشات نۇرىم (2-0, 1كو) - ناۋرىزعالي نۇرمۇحامەتوۆ (1-0, 1كو).
