الماتى پوليتسيياسى ٶرتەنٸپ كەتكەن جيھاز تسەحىندا مەرت بولعان ەيەلدٸڭ ٶلٸمٸنە قاتىستى قىلمىستىق ٸس قوزعادى, دەپ حابارلايدى قازاقپارات.
الماتى پوليتسييا دەپارتامەنتٸنٸڭ حابارلاۋىنشا, ٶرتەنگەن جيھاز شەبەرحاناسىندا ٶلٸ تابىلعان ەيەلدٸڭ كٸم ەكەنٸ انىقتالدى. ول وسى تسەحتا جۇمىس ٸستەيتٸن 59 جاستاعى ەيەل بولىپ شىقتى.
«بۇل فاكتٸ سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸندە تٸركەلدٸ. بۇل قر قك 292-بابىنىڭ 2-بٶلٸگٸ بويىنشا ٶرت قاۋٸپسٸزدٸگٸ تالاپتارىن بۇزۋ. اتالعان قىلمىستىق ٸس بويىنشا سوت-مەديتسينالىق ساراپتاما مەن تيٸستٸ ساراپتامالىق زەرتتەۋلەر تاعايىندالدى», - دەپ حابارلادى الماتى قالالىق پد.
ەسكە سالا كەتسەك, جەتٸسۋ اۋدانىنىڭ راتۋشنىي كٶشەسٸندەگٸ شەبەرحانا ٶرتەندٸ. تٸلسٸز جاۋ تسەحتىڭ 1 200 شارشى مەتر اۋماعىن شارپىعان. ونىڭ سٶندٸرۋگە 20 تەحنيكا مەن 60 ادام جۇمىلدىرىلدى. ٶرت سٶندٸرٸلگەن سوڭ جيھاز تسەحىنان ەيەل ادامنىڭ دەنەسٸ تابىلعان بولاتىن.
