الماتىدا پوليتسييا قىزمەتكەرلەرٸ ٶرتەنگەن پەتەردەن جاسٶسپٸرٸم قىزدى قۇتقاردى, دەپ حابارلايدى "ۇلت اقپارات".
قالالىق پوليتسييا دەپارتامەنتٸنٸڭ حابارلاۋىنشا, دەپارتامەنتتٸڭ ارنايى جەدەل ەرەكەت ەتۋ جاساعىنىڭ اعا ينسپەكتورى, پوليتسييا مايورى باۋىرجان ايازباەۆ پەن پوليتسييا كاپيتانى سەرٸكجان ەدرەنوۆ ٶرت شىققان تۇرعىن ٷيدٸڭ ماڭايىن جاياۋ قاراۋىلداپ جٷرگەندە شۇعىل حاباردى ەستٸگەن.
وقيعا ورنىنا دەرەۋ جەتكەن كەزدە كٶپقاباتتى تۇرعىن ٷيدٸڭ ٷشٸنشٸ قاباتىنداعى پەتەردەن قويۋ تٷتٸن شىعىپ جاتقان. دەلٸزدە پەتەردٸڭ ەسٸگٸن اشا الماي جاتقان ەرلٸ-زايىپتىلار ٸشتە قىزىنىڭ قالىپ قويعانىن ايتقان.
«كٶرشٸلەر جەدەل قىزمەت ٶكٸلدەرٸن شاقىرعانشا ەرەكەت ەتۋ قاجەت ەدٸ. پوليتسييا قىزمەتكەرلەرٸ ەسٸكتٸ بالتامەن سىندىرۋعا مەجبٷر بولعان. ٷيگە كٸرٸپ, ۇيىقتاپ جاتقان قىزدى الىپ شىعىپ, مەديتسينا قىزمەتكەرلەرٸنٸڭ قولىنا تاپسىرعان. ينسپەكتورلار ٶز مٸندەتتەرٸن تاماشا اتقاردى» - دەدٸ پوليتسييا دەپارتامەنتٸنٸڭ ارنايى جەدەل ەرەكەت ەتۋ جاساعىنىڭ كومانديرٸ سەرگەي افاناسەنكو.
بەلگٸلٸ بولعانداي, 13 جاستاعى قىز بالا مەكتەپتەن كەلگەن سوڭ گاز پليتاسىنا تاماقتى جىلىتۋعا قويعان. سودان سوڭ جاتىن بٶلمەسٸنە بارىپ, قۇلاققاپ كيٸپ ۇيىقتاپ كەتكەن.
