فوتو: الماتى ەكٸمدٸگٸ
الماتىدا 14 ناۋرىزدان باستاپ «ناۋرىزناما» تۇجىرىمداماسى اياسىندا ناۋرىز مەيرامىنا ارنالعان اۋقىمدى مەدەني-كٶپشٸلٸك ٸس-شارالار ٶتٸپ جاتىر. بيىل قالا بويىنشا 200-دەن استام ٸس-شارا ۇيىمداستىرىلعان. بۇل تۋرالى الماتى ەكٸمدٸگٸنٸڭ باسپاسٶز قىزمەتٸ حابارلادى.
مەرەكەلٸك نەگٸزگٸ الاڭدار – استانا الاڭى, اباي الاڭى, جٸبەك جولى داڭعىلىنىڭ جٷرگٸنشٸلەر ايماعى جەنە پانفيلوۆ كٶشەسٸ.
اۋداندارداعى مەرەكەلٸك ورىندار:
الاتاۋ اۋدانى – ALMATY ARENA سپورت كەشەنٸنٸڭ الدىنداعى الاڭ (21 ناۋرىز, 11:00-16:30)
المالى اۋدانى – م. گاندي اتىنداعى ساياباق (21 ناۋرىز, 12:00-16:00)
ەۋەزوۆ اۋدانى – سايران كٶلٸنٸڭ باتىس جاعالاۋى (21 ناۋرىز, 11:00-16:30)
بوستاندىق اۋدانى – تۇڭعىش پرەزيدەنت ساياباعى (21–22 ناۋرىز, 13:00-16:00)
جەتٸسۋ اۋدانى – الماتى يپپودرومى (21 ناۋرىز, 11:00-17:00)
مەدەۋ اۋدانى – پۋشكين كٶشەسٸندەگٸ جٷرگٸنشٸلەر اللەياسى (21 ناۋرىز, 11:00-15:00)
تٷركسٸب اۋدانى – س. سەيفۋللين اتىنداعى ساياباق (21 ناۋرىز, 10:00-16:00)
ناۋرىزباي اۋدانى – №221 مەكتەپ اۋماعى (21 ناۋرىز, 11:00-16:30)
نەگٸزگٸ مەرەكەلٸك ٸس-شارالار 21-23 ناۋرىز ارالىعىندا ٶتەدٸ. بۇل كٷندەرٸ قالا تۇرعىندارى مەن قوناقتارىنا ارنالعان كەڭ اۋقىمدى مەرەكەلٸك باعدارلاما ۇسىنىلادى: كونتسەرت, تەاترلاندىرىلعان قويىلىم, كٶرمە, مەدەنيەت قايراتكەرلەرٸمەن كەزدەسۋ, سونداي-اق قازاق حالقىنىڭ دەستٷرلٸ سالت-دەستٷرٸ كٶرسەتٸلەدٸ.
21 ناۋرىز
21 ناۋرىز قالانىڭ باستى مەرەكەلٸك ورنى – استانا الاڭى كٶكتەمگٸ كٶڭٸل كٷيدٸڭ, مەدەنيەت پەن ەرەكشە ەموتسييانىڭ ورتالىعىنا اينالادى. ساعات 11:00-دەن 22:00-گە دەيٸن مۇندا مۋزىكا, تەاتر, ٶنەر جەنە مەدەنيەت قايراتكەرلەرٸمەن كەزدەسۋدٸ توعىستىرعان اۋقىمدى مەرەكەلٸك باعدارلاما ٶتەدٸ.
تاڭنان باستاپ قوناقتار مازمۇندى كونتسەرتتٸك باعدارلاما, كٶركەم تەاترلاندىرىلعان قويىلىم مەن ۇلتتىق دەستٷرلەر مەن زاماناۋي شىعارماشىلىقتىڭ بايلىعىن تانىتاتىن تاقىرىپتىق كٶرمەگە كۋە بولادى. الاڭ كەڭٸستٸگٸ تٷرلٸ ينتەراكتيۆتٸ ايماقتار ارقىلى جاندانا تٷسەدٸ.
بۇل كٷنٸ وتاندىق ەسترادا جۇلدىزدارى قاتىساتىن گالا-كونتسەرت بولادى. ساحنادا مەدەۋ ارىنباەۆ, سەكەن مايعازيەۆ, نۇرجان كەرمەنباەۆ, ەرنار ايدار, جارقىناي حانايىم, الەن سامىقەنوۆ, ەبٸك جەكسەن, جۇلدىز ٶمٸرعالي, دينايا, سالتانات باقاەۆا, مٶلدٸر ەۋەلبەكوۆا, ەسەت ەسجان, ەزٸمبەك بايلين, ەردەن جاقسىبەك, مۇحتار حانزادا, نۇرسۇلتان نۇربەرديەۆ, تالعات كٷزەمباەۆ, نۇرمۇحاممەد جاقىپ, سونداي-اق «دوس-مۇقاسان», «ۇلىتاۋ», «KeshYOU» جەنە «الاشۇلى» توپتارى ٶنەر كٶرسەتەدٸ.
كەشتٸڭ شارىقتاۋ شەگٸ – ارنايى قوناق رەتٸندە ەزەربايجاندىق ەنشٸ روزا زەرگەرلي ٶنەر كٶرسەتەدٸ.
استانا الاڭىندا 6 تاقىرىپتىق كيٸز ٷي تٸگٸلەدٸ:
• «ۇلى دالا ەۋەنٸ» كيٸز ٷيٸ — مۇندا اباي, جامبىل, دينا, اقان سەرٸ, بٸرجان سال سىندى كٶرنەكتٸ تۇلعالاردىڭ مۋزىكالىق اسپاپتارىنىڭ ەكسپوزيتسييالارى (كٶشٸرمەلەرٸ) ۇسىنىلادى.
• روبو-كيٸز ٷي — كەلۋشٸلەر نازارىنا پيكسەلدەر ارقىلى بەينە جاسايتىن, قاعاز ۇشاقتاردى ۇشىراتىن, تۋرنيككە تارتىلاتىن روبوتتار, سونداي-اق دٷنيەجٷزٸلٸك عارىش وليمپياداسىنا دايىندالعان زىمىران ٷلگٸلەرٸ تانىستىرىلادى.
• DIGITAL 360 كٶرٸنٸس كيٸز ٷيٸ — اينالمالى جەنە ەدەندٸك LED-ەكراندارمەن, ارنايى دىبىستىق ەففەكتٸلەرمەن جابدىقتالعان كەڭٸستٸك. مۇندا كەلۋشٸلەر شىمبۇلاقتاعى قاردىڭ سىقىرىن ەستٸپ, ەكراننان تاۋ بەتكەيٸندە سىرعاناپ جٷرگەن سنوۋبوردشىلار مەن قار بارىسىن كٶرە الادى. قوناقتار مەدەۋ مەن شىمبۇلاقتىڭ كٶركەم تابيعاتىمەن, ساق قورعاندارىمەن, قالانىڭ ٷزدٸك مەيرامحانالارىمەن ۆيرتۋالدى تٷردە تانىسىپ, الماتىلىق اپورت — سيۆەرس الماسىنىڭ تاريحى تۋرالى بٸلە الادى.
• «ساق مۇراسى» ارحەولوگييالىق كيٸز ٷيٸ — قىرىم التىنبەكوۆ نەگٸزٸن قالاعان عىلىمي-رەستاۆراتسييالىق زەرتحانانىڭ سۋرەتشٸ-رەستاۆراتورى دايىنداعان عىلىمي رەكونسترۋكتسييالار كٶرمەسٸ ۇسىنىلادى. ەكسپوزيتسييا ساق دەۋٸرٸنٸڭ ارحەولوگييالىق مۇراسىنا ارنالعان.
• «دەستٷر كودى» ەتنو-ديزاين كيٸز ٷيٸ — الماتىلىق شەبەر, دەستٷرلٸ «بٸز كەستە» ٶنەرٸنٸڭ ٶكٸلٸ زەينەلحان مۇحامەدجانۇلىنىڭ تۋىندىلارى, ەتنو-ديزاينەر ايدا كاۋمەنوۆانىڭ توپتامالارى جەنە الماتى مۋزەيٸ قورىنان زەرگەرلٸك بۇيىمدار قويىلادى.
• «مۇرا» ۇلتتىق مەدەنيەت كيٸز ٷيٸ — مۇندا ۇلى قازاق اقىندارىنا ارنالعان تەاترلاندىرىلعان كٶرٸنٸس پەن پوەتيكالىق قويىلىم ۇسىنىلادى.
مەرەكەلٸك كٶڭٸل كٷي اباي الاڭىن دا قامتيدى. مۇندا 21 ناۋرىز كٷنٸ ساعات 12:00-دەن 22:00-گە دەيٸن قالا تۇرعىندارى مەن قوناقتارىنا ارنالعان مازمۇندى ەرٸ اۋقىمدى باعدارلاما ۇيىمداستىرىلادى.
كٷنٸ بويى قوناقتار مەدەني, ويىن-ساۋىق جەنە سپورتتىق ٸس-شارالارعا كۋە بولادى. الاڭ مەرەكەلٸك رۋحتى سەزٸنگٸسٸ كەلەتٸندەردٸڭ باسىن قوساتىن ورتالىققا اينالىپ, مۇندا تٷرلٸ كٶرمەلەر, فەستيۆالدەر, ينتەراكتيۆ بەلسەندٸلٸكتەر, سپورتتىق ويىندار مەن كٶپشٸلٸك سەرۋەندەر ٶتەدٸ.
ساحنادا ايگٷل ٷلكەنباەۆا, Arkaiym توبى, Il canto جەنە La Bella كۆارتەتتەرٸ, مٶلدٸر ەۋەلبەكوۆا, نۇرسۇلتان نۇربەرديەۆ, سونداي-اق زاماناۋي ورىنداۋشىلار Kyle ruh, Nurbullin, سەبيرا سادىرقوجاەۆ, ايبار سانباي, «ەگۋگاي» انسامبلٸ, «ساردار» ەتنو-انسامبلٸ, «ساق» توبى, Nursad, Aikentai, AyaFUNK, Astra, Moonlight, Amalyat, «الفا» توبى جەنە Ayree ٶنەر كٶرسەتەدٸ.
سونىمەن قاتار 21-23 ناۋرىز اباي الاڭىندا تٷركٸ ەلەمٸ حالىقتارىنىڭ كٶرمە-جەرمەڭكەسٸ ٶتەدٸ. تٷركييا, ەزەربايجان, تەجٸكستان, ٶزبەكستان, قىرعىزستان جەنە قازاقستاننان كەلگەن قولٶنەر شەبەرلەرٸ بٸرەگەي بۇيىمدارىن ۇسىنادى. كٶرمە-جەرمەڭكەدە قوناقتار ەزەربايجاننىڭ قولمەن توقىلعان كٸلەمدەرٸ مەن ۆيتراجدىق ٶرنەكتەرٸن, تٷركييانىڭ ەيگٸلٸ كەراميكاسىن, ٶزبەكستاننىڭ ريشتان كٶگٸلدٸر كەراميكاسىن, تەجٸكستاننىڭ سيۋزانە جەنە چاكان بۇيىمدارىن, قىرعىزستاننىڭ كيٸزدەن جاسالعان شىرداقتارىن, سونداي-اق قازاقستاننىڭ تەكەمەت, باسقۇر, قۇراق بۇيىمدارى مەن زەرگەرلٸك ٶنەر تۋىندىلارىن جەنە باسقا دا ۇلتتىق مۇرالاردى تاماشالاي الادى.
قالانىڭ ەڭ كٶرٸكتٸ جٷرگٸنشٸلەر ايماقتارىنىڭ بٸرٸ جٸبەك جولى – پانفيلوۆ كٶشەلەرٸ بويىن دا مەرەكەلٸك كٶڭٸل كٷي كەرنەيدٸ. مۇندا 21-23 ناۋرىز ساعات 11:00-دەن 19:00-گە دەيٸن قوناقتارعا ارنالعان جارقىن ەرٸ سەرپٸندٸ باعدارلاما ۇسىنىلادى.
كٷنٸ بويى بۇل كەڭٸستٸك زاماناۋي جەنە دەستٷرلٸ ٶنەر توعىسقان ەرەكشە الاڭعا اينالادى. قالا تۇرعىندارى مەن قوناقتارى ٷشٸن تٷرلٸ مازمۇندى بەلسەندٸلٸكتەر ۇيىمداستىرىلادى.
كەلۋشٸلەردٸ Robo DJ-دٸڭ ەرەكشە شوۋى, Serpin ەتنو-فولكلورلىق انسامبلٸنٸڭ ورىنداۋىنداعى «NAURYZ: Qazaq Sound» كونتسەرتتٸك باعدارلاماسى كٷتەدٸ. كٷننٸڭ شارىقتاۋ شەگٸ – ەسەرلٸ «Dream Light» جارىق شوۋى بولماق.
21-22 ناۋرىز (10:00-18:00) ارباتتا دەستٷرلٸ «كٸتاپFest-2026» كٸتاپ فەستيۆالٸ ٶتەدٸ. وندا 40 باسپانىڭ تاڭداۋلى تۋىندىلارى ۇسىنىلىپ, بەلگٸلٸ جازۋشىلارمەن ەدەبي كەزدەسۋ, سونداي-اق ۇلتتىق جەنە شىعارماشىلىق باعىتتاعى شەبەردٸڭ ساباقتارى ۇيىمداستىرىلادى. فەستيۆالدٸڭ باستى ەرەكشەلٸگٸ, تسيفرلاندىرۋ جەنە جاساندى ينتەللەكت جىلى اياسىندا قۇرىلعان Smart Yurt كيٸز ٷيٸ.
21-23 ناۋرىز ارالىعىندا پانفيلوۆ جٷرگٸنشٸلەر كٶشەسٸندە زاماناۋي قازاقستاندىق سۋرەتشٸلەردٸڭ كەسكٸندەمە جەنە فوتوسۋرەت ٶنەرٸن بٸرٸكتٸرگەن اشىق اسپان استىنداعى اۋقىمدى كٶرمە ۇيىمداستىرىلادى. قالا تۇرعىندارى مەن قوناقتارى بەلگٸلٸ قازاقستاندىق قىلقالام شەبەرلەرٸنٸڭ تۋىندىلارىن تاماشالاي الادى. بۇل جۇمىستاردا قازاق حالقىنىڭ دەستٷرٸ مەن تۇرمىسى, كٶشپەلٸ مەدەنيەت, دالا بەينەسٸ مەن كٷندەلٸكتٸ ٶمٸر كٶرٸنٸستەرٸ كٶركەم ەرٸ تەرەڭ بەينەلەنگەن.
سونداي-اق وسى كٷندەرٸ مۇندا «ۇلى دالانىڭ عاجايىپتارى» اتتى رەسپۋبليكالىق ەتنو-كٶرمە ٶتەدٸ. كٶرمەدە قازاقستاندىق اۆتورلاردىڭ دەستٷر, مەدەنيەت, تابيعات جەنە ەتنيكالىق مۇرانى بەينەلەيتٸن فوتوسۋرەتتەرٸ ۇسىنىلادى. ەكسپوزيتسييا ەلٸمٸزدٸڭ باي مەدەني مۇراسىن جەتەكشٸ فوتوگرافتاردىڭ وبەكتيۆٸ ارقىلى تانىپ-بٸلۋگە مٷمكٸندٸك بەرەدٸ.
وسى الاڭدا تۇرعىندار مەن قوناقتار ٷشٸن زاماناۋي ينتەراكتيۆتٸ اللەيا ۇسىنىلادى: LED-ەكرانداردا «جەتٸ قازىنا» سيمۆولدارى كٶرسەتٸلٸپ, ناۋرىز مەرەكەسٸنٸڭ باعدارلاماسى تانىستىرىلادى جەنە قالاداعى نەگٸزگٸ لوكاتسييالار بويىنشا ناۆيگاتسييا قامتاماسىز ەتٸلەدٸ. سونىمەن قاتار «Almaty AI – بولاشاققا ساياحات» اتتى LED-تۋننەل جۇمىس ٸستەيدٸ. بۇل الماتى قالاسىن جاساندى ينتەللەكت كٶزقاراسىمەن تانىتاتىن بٸرەگەي كەڭٸستٸك. بۇدان بٶلەك, اشىق اسپان استىندا «حالىقتىق كاراوكە» فورماتىنداعى 4 كاراوكە الاڭى ۇيىمداستىرىلادى.
22 ناۋرىز
22 ناۋرىز ساعات 11:00-دەن 22:00-گە دەيٸن استانا الاڭىندا اۋقىمدى مەرەكەلٸك باعدارلاما ۇيىمداستىرىلادى. باعدارلاما اياسىندا كونتسەرتتٸك قويىلىم, كٶپشٸلٸك سەرۋەن, كٶرمە جەنە ٶزگە دە مەدەني ٸس-شارالار ٶتەدٸ.
كونتسەرتتٸك باعدارلامادا ەلٸشەر كەرٸموۆ, مارسەل, Turar, Belluci, نۇرجان اباي, اجار نازار, ٸليياس قابدىراي, Ray, Baha, Sanzhar Jumasitov, Astra, Zhenis, جاسۇلان كٶپبەرگەن جەنە باسقا دا ٶنەر جۇلدىزدارى ساحنا تٶرٸنەن كٶرٸنەدٸ.
سول كٷنٸ ساعات 11:00-دەن 21:30-عا دەيٸن اباي الاڭىندا دا كەڭ اۋقىمدى مەرەكەلٸك باعدارلاما ۇسىنىلادى. مۇندا كونتسەرت, حالىقتىق سەرۋەن مەن كٶرمە ۇيىمداستىرىلادى.
اباي الاڭىندا «دوس-مۇقاسان» توبى, ەلٸشەر قونىسباەۆ, بالجان بيداش, ايقىن, تٶلەپبەرگەن, ەلي وقاپوۆ, نۇرجان كەرمەنباەۆ, «KeshYOU» توبى, Ademi, Axallek جەنە ٶزگە دە ورىنداۋشىلار ٶنەر كٶرسەتەدٸ.
جٸبەك جولى – پانفيلوۆ جٷرگٸنشٸلەر ايماعىندا ساعات 12:30-دان 19:00-گە دەيٸن «جەلدٸرمە» دەستٷرلٸ مۋزىكا كونتسەرتٸ, قۋىرشاق تەاترىنىڭ قويىلىمدارى, Robo DJ شوۋى جەنە «Dream Light» جارىق شوۋى ۇيىمداستىرىلادى.
23 ناۋرىز
23 ناۋرىز استانا الاڭىندا مەرەكەلٸك باعدارلاما ساعات 11:00-دەن 18:00-گە دەيٸن جالعاسادى. ساحنادا ديدار كەدەن, سايا ماحامبەت, دەۋٸت تۇرعىنەلٸ, بالاۋسا ەرعالينا, ايدار ابدراحمانوۆ, جاقىپ نۇرمۇحاممەد, مايدان ايماۋىت, بوستان نۇردەۋلەت, تۇردالى داستان جەنە كٶپجانرلى «پاراسات» ەتنو-انسامبلٸ ٶنەر كٶرسەتەدٸ.
اباي الاڭىندا ساعات 11:00-دەن 21:30-عا دەيٸن اۋقىمدى مەرەكەلٸك باعدارلاما ۇيىمداستىرىلادى. باعدارلاما اياسىندا كونتسەرت, كٶپشٸلٸك سەرۋەن, كٶرمە جەنە باسقا دا مەدەني ٸس-شارالار ٶتەدٸ.
كونتسەرتتە روزا رىمباەۆا, ايدانا مەدەنوۆا, جۇبانىش جەكسەنۇلى, Dakelot, Sanzhar, 404 توبى, «دەرۆيشي» انسامبلٸ, «دۋداراي» توبى, تٸلەك بازاروۆ, رانو, بوتاگٶز عازيزقىزى, «تۇمار» توبى, «جۇمىر قىلىش» توبى, ەرسۇلتان ستامعازيەۆ, بولات قۇسايىنوۆ, الۋا ەربولاتقىزى جەنە ٶزگە دە ارتيستەر ٶنەر كٶرسەتەدٸ.
جٸبەك جولى – پانفيلوۆ جٷرگٸنشٸلەر ايماعىندا ساعات 12:00-دەن 19:00-گە دەيٸن تٷرلٸ ٸس-شارالار ۇيىمداستىرىلادى: قۋىرشاق تەاترىنىڭ قويىلىمدارى, Robo DJ شوۋى جەنە «Dream Light» جارىق شوۋى ٶتەدٸ.
سونىمەن قاتار 21-25 ناۋرىز ارالىعىندا «الاتاۋ» دەستٷرلٸ ٶنەر تەاترى اۋماعىندا (نۇركەنت شاعىناۋدانى, 6) كٶشپەلٸ شاپيتو فورماتىنداعى «ناۋرىز شوۋ» تسيركتٸك باعدارلاماسى ٶتەدٸ.
باعدارلاماعا رەسەي, ۋكراينا جەنە قازاقستاننان كەلگەن ٷزدٸك ارتيستەر قاتىسادى: گيمناستار, اكروباتتار, ٷيرەتٸلگەن يتتەر, ەكۆيليبريستەر مەن ەۋە گيمناستارى ٶنەر كٶرسەتەدٸ. سونداي-اق تسيركتٸك قويىلىمعا مۇرات مۇتىرعانوۆ قاتىسادى.
21-23 ناۋرىز ارالىعىندا الماتى قالاسى مۋزەيلەر بٸرلەستٸگٸ مەن قازاقستان رەسپۋبليكاسىنىڭ ۇلتتىق ورتالىق مۋزەيٸ مەتروپوليتەن بەكەتتەرٸندە فوتوكٶرمە ۇيىمداستىرادى. ناۋرىز مەيرامىن مەرەكەلەۋ اياسىندا جولاۋشىلارعا قازاق حالقىنىڭ دەستٷرٸ مەن مەدەنيەتٸن بەينەلەيتٸن فوتوسۋرەتتەر ۇسىنىلادى.
جەراستى كٶلٸگٸنٸڭ جولاۋشىلارى فوتوكٶرمە ارقىلى قازاقستاننىڭ تاريحى مەن ۇلتتىق مۇراسىمەن جاقىنىراق تانىسا الادى.
فوتوكٶرمە «جٸبەك جولى», «المالى», «سايران», «سارىارقا» بەكەتتەرٸندە ساعات 09:00-دەن 21:00-گە دەيٸن جۇمىس ٸستەيدٸ.
