2026 جىلعى 6–11 سەۋٸر ارالىعىندا الماتى قالاسى ازييانىڭ شاحمات ورتالىعىنا اينالادى. قالانىڭ سەۋلەتتٸك كەلبەتٸن ايقىندايتىن نىسانداردىڭ بٸرٸ — ٸلە الاتاۋىنىڭ قارلى شىڭدارىنىڭ باۋرايىندا ورنالاسقان «قازاقستان» قوناقٷيٸندە مەكتەپ كوماندالارى اراسىنداعى شاحماتتان ەلەم چەمپيوناتىنىڭ (World Schools Team Championship 2026) ازييا قۇرلىعى بويىنشا كەزەڭٸ ٶتەدٸ. تۋرنيرلەر سەريياسىنىڭ باس دەمەۋشٸسٸ — Freedom Holding Corp.
بۇل دودا – ەلەمدٸك بٸرٸنشٸلٸكتٸڭ جاڭا فورماتىنىڭ باستاماسى. اتالعان باستامانى حالىقارالىق شاحمات فەدەراتسيياسى (FIDE) مەن حالىقارالىق مەكتەپ شاحماتى فەدەراتسيياسى (ISCF) جارييالاعان بولاتىن. شاحمات تاريحىندا تۇڭعىش رەت ەلەمدٸك تسيكل ازييا قۇرلىعىنان, ناقتى ايتقاندا الماتىدان باستاۋ الادى. 2026 جىل رەسمي تٷردە «بٸلٸم بەرۋدەگٸ شاحمات جىلى» دەپ جارييالانۋىنا بايلانىستى بۇل وقيعانىڭ ماڭىزى ەرەكشە.
بۇعان دەيٸن مەكتەپ كوماندالارى اراسىنداعى ەلەم چەمپيوناتى بٸر الاڭدا ۇيىمداستىرىلىپ كەلسە, ەندٸ قۇرلىقتىق جٷيە ەنگٸزٸلۋدە. افريكا, امەريكا, ازييا جەنە ەۋروپادا ٶتەتٸن كەزەڭدەردە ەر قۇرلىقتىڭ ٷزدٸك بٸر كومانداسى انىقتالادى. ال 2026 جىلدىڭ جەلتوقسانىندا وسى تٶرت چەمپيون گراند-فينالدا باس قوسىپ, ەلەم چەمپيونى اتاعىن ساراپقا سالادى.
الماتىعا ازييانىڭ ەر ەلٸنەن ۇلتتىق ٸرٸكتەۋدەن ٶتكەن مىقتى مەكتەپ كوماندالارى جينالادى. ەرقايسىسى ٶز مەكتەبٸ مەن ەلٸنٸڭ نامىسىن قورعايدى. جەڭٸمپاز كوماندا ازييا چەمپيونى اتانىپ قانا قويماي, ەلەمدٸك فينالعا جولداما الادى.
2026 جىل – شاحماتتىڭ بٸلٸم بەرۋ سالاسىنداعى رٶلٸن ايقىندايتىن كەزەڭ. شاحمات بالالاردىڭ لوگيكالىق ويلاۋىن, ستراتەگييالىق جوسپارلاۋ قابٸلەتٸن, زەيٸنٸن, كوماندامەن جۇمىس ٸستەۋ داعدىلارىن جەنە جاۋاپكەرشٸلٸگٸن دامىتۋعا ىقپال ەتەدٸ.
تۋرنير اياسىندا جارىس پارتييالارىنان بٶلەك:
– ەلەمنٸڭ جەتەكشٸ گروسسمەيستەرلەرٸ مەن باپكەرلەرٸنٸڭ شەبەرلٸك ساباقتارى;
– مۇعالٸمدەر مەن اتا-انالارعا ارنالعان ارنايى بٸلٸم بەرۋ كەزدەسۋلەرٸ;
– شاحماتتى ٶمٸرلٸك ماڭىزدى داعدىلارمەن ۇشتاستىراتىن ينتەراكتيۆتٸ فورماتتار;
– قوناقتاردى قازاقستاننىڭ مەدەنيەتٸمەن جەنە الماتىنىڭ كٶرٸكتٸ جەرلەرٸمەن تانىستىراتىن مەدەني باعدارلاما ۇيىمداستىرىلادى.
حالىقارالىق مەكتەپ شاحماتى فەدەراتسيياسىنىڭ (ISCF) جەنە قازاقستان شاحمات فەدەراتسيياسىنىڭ پرەزيدەنتٸ تيمۋر تۋرلوۆ ٶز سٶزٸندە:
«شاحمات – تەك جارىس ەمەس, ول – بٸلٸم مەن مەدەنيەتتەر توعىساتىن ورتا. ەرتٷرلٸ ەلدەردٸڭ بالالارى بٸر تاقتا باسىندا كەزدەسكەندە, ٶزارا تەجٸريبە الماسىپ, دوستىق بايلانىس ورناتادى. بٸز تەك مىقتى ويىنشىلاردى عانا ەمەس, اشىق ويلايتىن, سەنٸمدٸ تۇلعالاردى تەربيەلەۋگە ٷلەس قوسىپ كەلەمٸز. FIDE-پەن سەرٸكتەستٸك اياسىندا بٸلٸم بەرۋدەگٸ شاحمات جىلى ەرەكشە مازمۇنعا يە بولادى», – دەپ اتاپ ٶتتٸ.
قازاقستان شاحماتتى دامىتۋ باعىتىندا حالىقارالىق دەڭگەيدە تانىلعان ەلدەردٸڭ بٸرٸ. جاڭا فورماتتاعى ەلەمدٸك تسيكلدٸڭ العاشقى كەزەڭٸنٸڭ الماتىدا ٶتۋٸ – سونىڭ ايقىن دەلەلٸ. 201 ەلدٸ بٸرٸكتٸرەتٸن FIDE ۇيىمى مەن 2024 جىلى قۇرىلعان ISCF فەدەراتسيياسى بۇل تاڭداۋدى بەكەر جاساعان جوق.
«قازاقستان» قوناقٷيٸ تاريحي سەۋلەتٸ مەن زاماناۋي مٷمكٸندٸكتەرٸن ٷيلەستٸرە وتىرىپ, تۋرنيرگە ەرەكشە اتموسفەرا سىيلايدى. تاۋلاردىڭ كٶركەم كٶرٸنٸسٸ جاس شاحماتشىلارعا شابىت بەرٸپ, جارىس رۋحىن كٷشەيتەدٸ.
الماتى ونداعان ەلدەن كەلەتٸن كوماندالار مەن جٷزدەگەن قاتىسۋشىنى قارسى الۋعا ەزٸر. بۇل – تەك سپورتتىق جارىس ەمەس, زيياتكەرلٸك مەدەنيەتتٸڭ, دوستىق پەن بولاشاققا باعىتتالعان سەرٸكتەستٸكتٸڭ مەرەكەسٸ.
2026 جىلعى ماڭىزدى شاحمات وقيعاسى دەل وسى جەردە — ازييانىڭ جٷرەگٸندە, الماتىدا باستاۋ الادى.
