الماتىدا ٷش جاسار قىز كٶشەدە اداسىپ كەتكەن جەرٸنەن تابىلدى, دەپ حابارلايدى "ۇلت اقپارات".
الماتى پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, 8 ماۋسىم كٷنٸ تٷركسٸب اۋداندىق پوليتسييا باسقارماسىنا جەرگٸلٸكتٸ تۇرعىنداردان قوڭىراۋ كەلٸپ تٷسكەن.
سەيفۋللين داڭعىلىنا جەتپەي پاللادين كٶشەسٸندە 3 جاسار قىز تابىلعان. قوڭىراۋ شالۋشىلاردىڭ ايتۋىنشا, بالا ەرەسەكتەردٸڭ قاراۋىنسىز جٷرگەن.
«بالانىڭ جەنە ونىڭ اناسىنىڭ جەكە باسى بٸردەن انىقتالدى. ول سول ۋاقىتتا جۇمىستا بولعان. ەيەل قىزىن 10 جاستاعى ٷلكەن ۇلىمەن ٷيدە قالدىرعانىن ايتتى. ۇلى ۇيىقتاپ جاتقاندا, بٷلدٸرشٸن ٷيدەن شىعىپ كەتٸپ, جوعالىپ كەتكەن. 1994 جىلى تۋعان ازاماتشامەن الداعى ۋاقىتتا مۇنداي فاكتٸلەرگە جول بەرمەۋ تۋرالى پروفيلاكتيكالىق ەڭگٸمە ٶتكٸزٸلدٸ. وتباسى تۇرعىلىقتى جەرٸ بويىنشا تەكسەرٸلدٸ», – دەدٸ تٷركسٸب اۋداندىق پب جانىنداعى پوليتسييا بٶلٸمٸنٸڭ باستىعى ەركٸن امانتاەۆ.
