Almatyda úsh jasar qyz kóshede adasyp ketken jerinen tabyldy, dep habarlaidy "Ult aqparat".
Almaty politsiia departamenti baspasóz qyzmetiniń málimetinshe, 8 maýsym kúni Túrksib aýdandyq politsiia basqarmasyna jergilikti turǵyndardan qońyraý kelip túsken.
Seifýllin dańǵylyna jetpei Palladin kóshesinde 3 jasar qyz tabylǵan. Qońyraý shalýshylardyń aitýynsha, bala eresekterdiń qaraýynsyz júrgen.
«Balanyń jáne onyń anasynyń jeke basy birden anyqtaldy. Ol sol ýaqytta jumysta bolǵan. Áiel qyzyn 10 jastaǵy úlken ulymen úide qaldyrǵanyn aitty. Uly uiyqtap jatqanda, búldirshin úiden shyǵyp ketip, joǵalyp ketken. 1994 jyly týǵan azamatshamen aldaǵy ýaqytta mundai faktilerge jol bermeý týraly profilaktikalyq áńgime ótkizildi. Otbasy turǵylyqty jeri boiynsha tekserildi», – dedi Túrksib aýdandyq PB janyndaǵy politsiia bóliminiń bastyǵy Erkin Amantaev.
