الماتىدا 7 ادام كوروناۆيرۋس ينفەكتسيياسىن ەڭ كٶپ ادامعا جۇقتىرعان. بۇل تۋرالى ونلاين بريفينگ بارىسىندا قالالىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى ايزات مولداقاسىموۆا ايتتى, دەپ حابارلايدى قازاقپارات.
ونىڭ ايتۋىنشا, جٷرگٸزٸلگەن تالداۋلارعا سەيكەس الماتىدا 7 ادامدا كۆي پاتوگەندٸ-اگرەسسيۆتٸ فورماسى انىقتالعان.
«ولار ەڭ كٶپ ادامعا جۇقتىرعان. كٶپشٸلٸگٸنٸڭ اۋرۋى ورتا دەرەجەدە. ال قالعانى جەڭٸل فورمادا ٶتٸپ جاتىر. سونىمەن قاتار الماتىلىقتار اراسىندا سيمپتومى بٸلٸنبەي ٶتٸپ جاتقاندار دا بولۋى مٷمكٸن. سول ٷشٸن قازٸر قالاداعى بارلىق جرۆي, تۇماۋ, ٶكپەنٸڭ قابىنۋىمەن تٷسكەن ناۋقاستاردىڭ بارلىعىن كوروناۆيرۋس ينفەكتسيياسىنا تەكسەرٸپ جاتىرمىز. ەرەسەكتەر اراسىندا وسىنداي 1 جاعداي تٸركەلدٸ. پنەۆمونييامەن تٷسكەن ادامنان ينفەكتسييا تابىلدى. كەشە 13 بالا تەكسەرٸلدٸ. ونىڭ 5-ٸندە تالداۋ راستالمادى. قالعانى ەلٸ تەكسەرٸلٸپ جاتىر. 5 ناۋقاستىڭ 3-ٸندە كوروناۆيرۋس ينفەكتسيياسى اۋىرعان ادامداردان جۇققان بولسا, ەكٸ ادامنىڭ اۋرۋدى قالاي جۇقتىرعانى بەلگٸسٸز بولىپ وتىر», - دەدٸ ايزات مولداقاسىموۆا.
دەپارتامەنت باسشىسى قالا تۇرعىندارىنا بەلگٸلەنگەن 14 كٷن كارانتيندٸ سابىرمەن ٶتكٸزۋگە شاقىردى.
«نە ٷشٸن بٸز 14 كٷن دەپ الامىز? سەبەبٸ بۇل ينفەكتسييانىڭ ينكۋباتسييالىق كەزەڭٸنە سەيكەس كەلەدٸ. بٸزدە بٸر ناۋقاس بولدى. 14 كٷن كارانتيندە جاتقاندا تەست ٷنەمٸ ۆيرۋس جوقتىعىن كٶرسەتٸپ كەلٸپ, 12-تەۋلٸكتە بٸر-اق كٶرٸنٸس بەرگەن. سوندىقتان, 14 كٷن شىداۋ كەرەك», - دەدٸ ا.مولداقاسىموۆا.
