الماتىدا قازٸرگٸ ۋاقىتتا ينفەكتسييالىق ستاتسيوناردان COVID-19 انىقتالعان 3 پاتسيەنت ەمدەلٸپ شىقتى, دەپ حابارلايدى "ۇلت اقپارات" الماتى قالاسىنىڭ دەنساۋلىق ساقتاۋ باسقارماسىنا سٸلتەمە جاساپ.
ولار - قالالىق كلينيكالىق ينفەكتسييالىق اۋرۋحانادا ەم قابىلداعان بٸر بالا مەن ەكٸ پاتسيەنت. ولاردىڭ بٸرەۋٸ 31 ناۋرىز كٷنٸ كەشكە اۋرۋحانادان شىعارىلدى.
اۋرۋحانادان شىعارىلعان پاتسيەنتتەر 14 كٷندٸك ٷي جاعدايىنداعى كارانتيندە بولادى.
ەكٸ پاتسيەنت 13 ناۋرىزدا بەرلين-مينسك-الماتى چارتەرلٸك رەيسٸمەن كەلگەن.
ولار كەلگەن كەزدە شەكتەۋ ەنگٸزٸلٸپ, جاڭا الگوريت مەن قاۋلى ٸسكە قوسىلعان. ەكيپاجدى قوسقاندا, 12 ادامنان تۇراتىن بٷكٸل بورت وقشاۋلانىپ, كارانتينگە جابىلدى, ينفەكتسييالىق ستاتسيونارعا جاتقىزىلدى, زەرتحانالىق زەرتتەۋ ٷشٸن اناليزدەر الىندى. جەتٸ ادامنان دياگنوز راستالعان.
ٷشٸنشٸ پاتسيەنت – بۇعان دەيٸن انىقتالعان ناۋقاسپەن بايلانىستا بولعان ادام.
بٷگٸندە الماتىدا كوروناۆيرۋستەن ساۋىعىپ شىققان 10 ادام اۋرۋحانادان شىعارىلدى.
