الماتىدا كوروناۆيرۋس جۇقتىرعان 3 114 ناۋقاس ەم قابىلداپ جاتىر. بۇل تۋرالى قالالىق قوعامدىق دەنساۋلىق باسقارماسى مەلٸم ەتتٸ, دەپ حابارلايدى "ۇلت اقپارات".
بٷگٸن تاڭەرتەڭگٸ اقپارات بويىنشا 620 ادامنىڭ كوروناۆيرۋس جۇقتىرعانى انىقتالدى. مۇنىڭ ٸشٸندە 483-ٸ سيمپتومدى, جەڭٸل جەنە ورتاشا دەڭگەيدەگٸ بەلگٸلەرمەن, 137-ٸ سيمپتومسىز اۋىرعان.
«قازٸر 7 مىڭ تٶسەك-ورىننىڭ 5 610 تٶسەك-ورنى ٸسكە قوسىلعان. بٷگٸنگٸ كٷنٸ 3 197 ناۋقاس ەم قابىلداپ جاتىر. ونىڭ 66-ى بالا. جاعدايى اسا اۋىر ناۋقاستار سانى - 84, جاعدايى اۋىر – 602 ادام بار. 2511 ناۋقاستىڭ جاعدايى ورتاشا اۋىر», -دەپ حابارلادى باسقارمادان.
پاندەمييا باستالعالى 29 316 اۋرۋىنان ايىعىپ اۋرۋحانادان شىعارىلدى.
حالىق ارەنا» كەشەنٸندەگٸ مىڭ تٶسەك-ورىنعا ارالعان ستاتسيوناردا 44 ناۋقاس جاتىر.
5 سەۋٸر كٷنٸ 2 960 الماتىلىققا كوروناۆيرۋسقا قارسى ەكپە سالىندى. جالپى, 1 اقپاننان باستاپ 47 275 تۇرعىن «سپۋتنيك-V» ۆاكتسيناسىن الدى. ونىڭ 8 805 ەكٸ كومپونەنتٸ الدى.
ايتا كەتەيٸك, 9 سەۋٸر كٷنٸ الماتىعا كوروناۆيرۋسقا قارسى ۆاكتسينانىڭ 57 مىڭ دوزاسى جەتكٸزٸلەدٸ.
