الماتى دەرٸگەرلەرٸ كوروناۆيرۋس جۇقتىرعان بالالاردىڭ جاعدايىن ناقتىلادى, دەپ حابارلايدى "ۇلت اقپارات".
قالالىق قوعامدىق دەنساۋلىقتى ساقتاۋ باسقارماسىنىڭ حابارلاۋىنشا, قازٸر ەكٸ ادامنىڭ جاعدايىن دەرٸگەرلەر ورتاشا اۋىر دەپ باعالاپ وتىر.
«مۇنىڭ الدىندا ايتقان ورتا جاستاعى ەر ادامنىڭ جاعدايى ەلٸ دە ورتاشا. ونىڭ بۇعان دەيٸن دە ٶكپەسٸندە سوزىلمالى وبستۋركتيۆتٸ برونحيت كەسەلٸ بولعان. ال 2018 جىلى تۋعان قىز بالادا جٶتەل بار. جاعدايى ورتاشا اۋىر دەپ باعالانىپ وتىر. جالپى باسقا ناۋقاستاردىڭ دەنساۋلىعىندا جاقسارۋ بار. ولاردىڭ دەنە قىزۋى تٷسكەن», - دەپ مەلٸم ەتتٸ باسقارمانىڭ باسپاسٶز قىزمەتٸنەن.
ايتا كەتۋ كەرەك, قازٸر الماتىدا كوروناۆيرۋس جۇقتىرعان 22 پاتسيەنت ەم قابىلداپ جاتىر. ونىڭ بٸرەۋٸنٸڭ جاعدايى ٶكپەسٸندە سوزىلمالى ٶزگەرٸس بولعاندىقتان اۋىرلاعانىن حابارلاعان بولاتىنبىز.
