الماتىدا كوروناۆيرۋس جۇققان التى ادام - بەس ەيەل, بٸر ەر ادام جازىلىپ شىقتى, دەپ حابارلادى coronavirus2020.kz سايتىنىڭ تەلەگرام ارناسى.
"ەكەۋٸ 16 ناۋرىزدا ستامبۋلدان كەلگەن, ەكەۋٸ - 10 ناۋرىزدا مەسكەۋ - الماتى رەيسٸمەن ۇشىپ كەلگەن. بٸر ادام 13 ناۋرىزدا بەرليننەن ورالعان. بٸر ادامعا ناۋقاستاردان كوروناۆيرۋس جۇققان" دەلٸنگەن حابارلامادا.
الماتىدا بارلىعى 19 ادام جازىلىپ شىققان. 14 كٷندٸك ٷي جاعدايىنداعى كارانتينگە جٸبەرٸلگەن.
قالالىۇ قوعامدىق دەنساۋلىق ساقتاۋ باسقارماسىنىڭ دەرەگٸنشە, قالادا بارلىعى 109 ادامنان كوروناۆيرۋس تابىلعان. 77 ناۋقاستىڭ جاعدايى - ورتاشا. ەكٸ ەرەسەك ناۋقاستىڭ حالٸ ٶتە اۋىر, بٸر ادامنىڭ جاعدايى - اۋىر. 11 ادامنىڭ جاعدايى - ورتاشا اۋىر.
4 سەۋٸردە تاڭەرتەڭ دەنساۋلىق ساقتاۋ مينيسترلٸگٸ قالادا 16 ادامنان ۆيرۋس تابىلعانىن حابارلاعان بولاتىن. ولاردىڭ بٸرٸ جاعدايى اۋىر كٷيدە اۋرۋحاناعا تٷسكەن.
قالا بويىنشا 655 ادام (83 بالا) پروۆيزورلىق ورتالىقتاردا جاتىر. 4411 ادام ٷي كارانتينٸندە.
الماتى - ۆيرۋس جۇقتىرعاندار سانى جاعىنان رەسپۋبليكادا نۇر-سۇلتاننان (202) كەيٸن ەكٸنشٸ تۇر. 19 ناۋرىزدا قالادا كارانتين جارييالانىپ, قالاعا كٸرٸپ-شىعۋعا تىيىم سالىندى. 28 ناۋرىزدا ادامداردىڭ سىرتقا شىعۋىنا شەكتەۋ قويىلدى. قالا تۇرعىندارى ازىق-تٷلٸك, دەرٸ-دەرمەك ساتىپ الۋ سيياقتى ٶتە قاجەتتٸ جاعدايدا عانا كٶشەگە شىعا الادى. قالادا ازىق-تٷلٸك دٷكەندەرٸ, دەرٸحانالاردان باسقا نىساندار جابىق.
